NOTE 20 ULTRA N9860

[Kareeeeem]

 بعد انتظار ممل و طويل أخيرا نسخة النوت سنابدراجوان نزل ليها أندرويد ١١ 

نزل للصين امبارح و طبعا مفيش حد معاه النسخة دي تحديداً لكن علي بكرة ان شاء الله أو خلال يومين هينزل لنسخة هونج كونج و تايوان 

[heroone]

بلاش تحدث لو الجهاز شغال كويس ، البطارية هتخلص بسرعة ، والشاشة دقة الالوان فيها هتقل وقد تزيد حواف الشاشةبصورة غير ملحوظة ، بعض ميزات تطبيق good lock مش هتشتغل ، بعض التطبيقات مش هتشتغل بطريقة طبيعة (اى بكامل الشاشة)

[Kareeeeem]

أنت بتتكلم عن أي نسخة من النوت؟ الي موجودة في مصر و معالج اكسينوس؟

[heroone]

بتكلم عن تجربة التحديث معايا s10lite بمعالج٨٥٥ سنابدراجون وحصل فيه كدا ، وفيه ناس هنافى المنتدى اتكلمو عن مشاكل برضو فى التحديث دا ومعاهم نوت ٢٠ واس ٢٠ بس غالبا نسخ مصر ، وفى ناس برضو شكرت فى التحديث ، لذلك بقول لحضرتك لو الجهاز كويس ومفيش فيه مشاكل بلاش تحدث دلوقت انتظر شوية لما ينزل تحديث جديد يضبط تحديث اندرويد ١١ واجهة oneui3

[Kareeeeem]

هي المشكلة انه سامسونج قررت تضيف الواجهة لموبيلات للأسف مش مستعدة ليها، كان ممكن يخلوا تحديث أندرويد ١١ مع واجهة ٢،٥ لموبيلات اقدم و ساعتها مكنش هيكون فيه مشكلة، نقطة كمان وهي مش فكرة انه الموبايل شغال كويس فمش تحدثه لأن ببساطة باتشات الأمان مش هتنزلك و كده الموبايل هيكون معرض لامان أقل من المعتاد.
بس لو القصة محتاجة ضبط مصنع فمفيش مشكلة و ده احيانا بكون افضل فحاول تعمله عشان موبايلك يتظبط ان شاء الله
اما النصحية الأولي و الأخيرة هي انك تبعد عن معالج اكسينوس بأي شكل و خصوصاً انه الموبايلات بقت تتجمع في مصر و دي مشكلة لوحدها.
حاول حضرتك تعمل ضبط مصنع و ان شاء الله خير و يتظبط.

[heroone]

متفق تماما مع كلام حضرتك ،
وفعلا عملت ضبط مصنع بعد التحديث الا ان ماذكرته مازال موجود لذلك حبيت اقول لحضرتك على تجربتى ، اما من ناحية التحسينات اللى حصلت بعد التحديث (واعادة ضبط المصنع) فابرزها سرعة الفتح ببصمة الاصبع ، وانخفاض الحرارة ، وسلاسة الاداء ، بالاضافة الى الميزات الاخرى المعروفة فى اندرويد ١١ مع واجهة one ui3.

[免费会员]

هى فعلان نزلت الصين من يوم 26 بس لسه باقى هونج كونج وتايوان

[Tamer260]

يامسهل