Galaxy note 10 plus

[osos55]

كنت عاوز اعرف سعر الكاميرا الخلفيه بتاع الموبايل 

[Medo2811]

هتسمع فيها ارقام غريبة هنا
شوفتهالك ع علي اكسبريس ب ١٤٢ جنيه و ١٧٠ شحن. وده طبعا سعر ببلاش ... بس طبعا ممكن تدفع جمرك قدهم كمان وممكن بتوع الجمارك يبضنو عليك ده شئ طبيعي ف مصر

[osos55]

مهو انا بالفعل دورت وليقت الموقع بيبعها بس بعدين اكتشفت انو بره مصر وخوفت ادفع ضعف التمن الي كنت هدفعوا هنا ومفيش حد بيبعها علي امازون او نون

[Medo2811]

امازون ونون مش بيبيعو قطع غيار
علي اكسبريس كويس لة البائع تقييماته كويسة لكن بتجربتي الشخصيه الحمارك عندنا زي الزفت الصراخة جبت حاجه من عليه ودفعت تمنها تاني ف الجمارك.. يعني الحاجه لو ب ١٠٠ دفعت ١٠٠ قدهم ف البريد جمرك لها .. وطبعا الطرد بيوصل مفشوخ ميت حته عشان بيتفتش يعني حاجه ف منتهي السوء ..
ف مفيش ارخص منه للأسف .. ف حل لو لك حد ف السعودية خليه يجيبهالك من عليه هتوصله ف خلال اسبوع ومفيش عندهم جمرك ولا غيره والخدمة عندهم ممتازة يعني بيعاملو المنتج باحترام.. غير كده لو حابب تجرب جرب بس متضمنش الحاجه هتوصلك اصلا ولا لا لان ف منتجات ممنوعه من الدخول اصلا ..

[osos55]

فعلا حاجه مقرفه بيخلي الواحد يكره يجيب حاجه من بره فعلا بس ان ممكن يبوظوا الحاجه بحجه التفتيش وهل تقدر تتكلم مستحيل الا لو ليك حد في الجمارك مثلا هتقدر تعدي حاجتك براحتك هي كلها شغل وسايط

[Medo2811]

ياباشا لو الدنيا مفتوحه والحياة سلسلة كده مكنش حد اشتري من هنا حاجه والله
يعني التاجر يجيب كاميرا زي دي بجمركها كده ب ٥٠٠ جنيه يبيعها بكام ألف
وكمان دلوقتي لغو الدفع بالفيزا العاديه لازم فيزا مشتريات ولها ليميت معين وحاجه قرف .. تجارة لها صحابها وناس تقيله ف البلد مستفاده من قبل الاستيراد والجمارك دي كلها