طبعا لسه بدرى جدا علي أندرويد ١٢ و حتي أندرويد ١١ كان جاي راكب ناقة ف قدامنا كتير أوي لكن الحقيقة لو الإشاعات إلي اتقالت عن ١٢ و جوجل شغالة فعلا عليها فأعتقد هيكون تحديث عظيم جداً و خصوصاً للموبيلات في فئات أقل.
الكلام عن واجهة قريبة من سلاسة أبل و نظام تحديث مباشر من خلال جوجل ستور فمش هتحتاج سامسونج إلا في تحديثات خاصة بيها و نظام قتل تام للبرامج الغير مستخدمة بل بتفضي مكانها في الجهاز و حاجات تانية كتير
لو صحت فعلا فأعتقد جوجل هتوسع سوق الاندرويد أكتر
عامة كله هيبان خلال الشهر ده إن شاء الله أو الشهر الجاي غالباً لما جوجل تعلن عنه للمطورين.
انا برده عرفت ان تحديث الاندرويد بعد كده هيكون من الماركت بس ده مش حلو معني كده انك هتغقد واجهة سامسونج اللي اتعودنا عليها جوجل بتحاول تموت الشركات المصنعه للتليفونات من انها تشتغل سوفتوير عيزاهم يصنعوا التليفونات بس وتبقي جوجل المتحكم الوحيد في السوفت وهيبقي نفس شكل النسخة علي كل الموديلات لسه هنعرف اكتر اكيد لما الوقت يقرب
هو اعتقد صعب ده تحديدا يحصل خصوصاً زي ما قولت إنه الواجهة في أي ماركة بتعتمد علي الشركة مش جوجل و مش كتير بيستخدم جوجل ك stock جايز بيتكلموا عن تحديثات أمان أو تحديثات شهرية مش تحديث للنظام بالكامل جوجل كبرت زيادة عن اللزوم و بقت أضخم من انه اي حد يقولها لا و اديك شايف هاواوي حصل ليها إيه لكن فكرة إنه بدأو يحسنوا من سلاسة النظام و أمانه هي أفضل لينا بالنسبة ليا موضوع ال hibernation هو شي جديد و جيد جدا فكرة إنك تفضي مكان تخزين ابلكيشن هو جاي ستوك أصلا و تمنعه من سحب البطارية بشكل تام دي للفئات الاقل هتكون عظيمة تقريبا خلال اسبوعين هيتاكد بعض الإشاعات أو تتنفي.
