ياجماعة الخير انا عندي مشكلة مجنناني حرفيا ، عندي روتر في شقتي والنت شغال عليه كويس جدا انا وكل أفراد الأسرة روحنا زيارة لاحد قرايبنا كل الموبيلات لقطت نت الا العبد لله يجيب شبكة وعليها علامة تعجب جربت كذا شبكة اشتغل كويس لكن روتر قريبنا حد الله بين موبيلي وبينه
مساء الخير يا فندم مع اميرة من سامسونج مصر بنشكرك جدا على طرح سؤالك وبنتمنى لحضرتك يوم سعيد بناءا على سؤالك
بخصوص استفسار حضرتك استأذنك التأكد من الخطوات التالية: التأكد من عدم تعرض الجهاز لسائل او صدمة عدم تنزيل روم او روت على الجهاز تجربة شبكة واى فاى اخرى مع الجهاز كتابة الكود التالى فى جهات الاتصال *#2663# واختيار Refresh WiFi version فى حالة استمرار المشكلة يرجى اعادة ضبط المصنع للجهاز.
الضبط - الادارة العامة - ارجاع - اعادة تعيين بيانات المصنع - اعادة تعيين الجهاز - مسح الكل قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج Samsung smart switch http://www.samsung.com/eg/support/smartswitch/ وفى حالة استمرار المشكلة استأذنك تشرفنا فى اقرب مركز صيانة حتى يتم فحص الجهاز وحل المشكلة لحضرتك
ولو عند حضرتك أى استفسار أخر موجودين تحت أمر حضرتك وفى خدمتك فى أى وقت شكرا لحضرتك ولوقتك
