بتبقى غالية جداً ممكن فى حدود 5000 جنيه لتغيير الشاشة الأصلية و لازم توديها عند حد محترف و حد ضامنه لإن فيه ناس معندهاش ضمير بيبدلوا مكونات الجهاز الأصلية بمكونات تانية كوبى مضروبة و تيجى بعد فترة صغيرة تلاقى مشاكل فى الجهاز شاهد هذا الفيديو لمعرفة كيف يتم تغيير الشاشة https://youtu.be/VXhYkky2jd8
خلى بالك نقطة أخيرة مهمة جداً هل تقصد تغيير باغة ولا شاشة لو الشاشة شغالة و التاتش شغال و الشاشة فيها زى كسور يبقى تغيير باغة الباغة ده طبقة الحماية على الشاشة و بتكون من البلاستيك المقوى شبه الإسكرينة لكن بتبقى أقوى بكتير
ولو الشاشة فيها خطوط و التاتش تقيل وبيظهر خطوط حمراء أو بيضاء على الشاشة أو جايبة ألوان يبقى محتاج تغيير شاشة حبيت أوضح النقطة ده لإن الناس بتفكر ان الشاشة اتكسرت لكن الباغة هى اللى بتتكسر علشان تحمى الشاشة من التلف أو الكسر
خلى بالك مكونات جهازك ده بتبقى غالية لو هتغيرها أصلى لإن شاشات السوبر أموليد بتبقى غالية جداً نظراً لإن تصنيعها مكلف جداً و معقد جداً و تصنعها بيكون دقيق جداً عكس شاشات ال ips أو ال TFT تصنيعها بيكون بسيط وغير مكلف و أسعارها تكون رخيصة
