Original topic:

مشكله ف شاشه نوت ٢٠ الترا

(Topic created on: 01-23-2022 08:35 PM)
637 Views
khaledazizeg
Active Level 2
Options
جالاكسى نوت
مساء الخير عندي شاشه نوت ٢٠ الترا عامله لون بهتان علش شكل مستطيل
وحولين البصمه وده بيبان ف اللون الرمادي فقط ومع الضاءه الضعيفه بيبان 
هل حد ظهر معاه المشكله دي 
17 Comments
Amira-elnagar
Moderator
Moderator
Options
جالاكسى نوت

مساء الخير يا فندم مع حضرتك اميرة من سامسونج مصر

بنشكرك جدا على طرح سؤالك وبنتمنى لحضرتك يوم سعيد

فى البدايه بعتذرلك جدا عن المشكله اللى بتواجه حضرتك

 أستأذن حضرتك فى اتباع الخطوات الأتيه :

  1. استاذنك ادخال الكود التالي *#0*#

  2. واختار اي لون من الالوان الظاهره Red & green & blue

  3. فى حاله ظهور الالوان بصوره طبيعيه يبقى الجهاز يعمل بشكل طبيعى

  4. فى حاله عدم ظهور الالوان بصوره طبيعيه يرجى عمل اعاده ظبط مصنع للجهاز من خلال الخطوات الاتيه :

- الضبط 

-الاداره العامه 

- اعاده الضبط 

-اعاده تعييين بيانات المصنع 

-اعاده الضبط 

-مسح الكل 

واستأذن حضرتك 

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

 Samsung smart switch

 

http://www.samsung.com/eg/support/smartswitch/

فى حاله وجود نفس المشكله أستأذن حضرتك فى التوجه لاقرب مركز صيانه للتمكن من فحص الجهاز ومعرفه المشكله وحلها

و

تقدر تتعرف على أقرب مركز صيانه من خلال  الرابط الاتي:
https://www.samsung.com/eg/support/service-center/

نتمنى حل المشكله عند حضرتك فى أقرب وقت ممكن

ولو عندك أى استفسار أخر

هتلاقينا تحت أمر حضرتك وفى خدمتك فى أى وقت

شكرا لحضرتك ولوقتك

0 Likes
khaledazizeg
Active Level 2
جالاكسى نوت
للاسف مش عارف اعمل فورمات عشان في حاجات مهمه جدا علي الجهاز صعب عمل فورمات
والالوان كلها طبيعيه
المشكله مع اللون الرمادي عامل زي بقع بلون فاتح
0 Likes
7oDa
Active Level 8
جالاكسى نوت
انا مش فاهم المشكله كويس
بس لو انته مش مرتاح لاي حاجه
عليك وع الضمان ومتتنازلش عن حقك
وسيببك من موضوع ضبط المصنع ده
0 Likes
khaledazizeg
Active Level 2
جالاكسى نوت
للاسف مش مقتنعين بالمشكله ويقولي خلاص سيبو يومين عمل ونقارنو بجهاز تاني ونشوف
0 Likes
7oDa
Active Level 8
جالاكسى نوت
لو متاكد من المشكله سلمه للضمان
ولو محلوش معاك
عليك وعلي الجهاز القومي لتنظيم الاتصالات
منزلين تطبيق كويس اوووي تقدر تعمل منه كل حاجه
وتضمن حقك
هسيبلك اللينك هنا
0 Likes
khaledazizeg
Active Level 2
جالاكسى نوت
مانا لازم اجيب موبيل بديل امشي بيه
لان طبيعه شغلي مقدرش استغني عن الموبيل للاسف
والله بفكر ارجع للايفون
بس مشكلتي محتاج القلم
وللاسف خدمه مابعد البيع سيئه جدا
يعني التليفون اشتريتو وبعد يومين وديتو الضمان عشان مشكله ف الكاميرا
وفين بعد خناقات مع الفرع غيرولي التليفون بعد يومين من تسليمو
بجد تجربه سيئه مع وكيل سامسونج ف مصر
كل حاجه عندهم ايه المشكله اما الموبيل يقعد ف الضمان كام يوم
واقولهم يعني انا شاري الموبيل ضمان محلي بمبلغ عالي عشان اشتري دماغي والاقي ضمان
لكن للاسف بيحاولو يبينو انك عادي اما تقعد من غير موبيل لمده ٣ او اربع ايام
ومفيش اي تقدير للعميل
0 Likes
7oDa
Active Level 8
جالاكسى نوت
0 Likes
Ma7moudHATEM
Active Level 3
جالاكسى نوت
قصدك لما بتوطي سطوع الشاشة اللون الرمادي بيخضر كدا؟؟ اصل انا عندي نفس المشكلة
0 Likes
khaledazizeg
Active Level 2
جالاكسى نوت
بيعمل بقع بلون مخضر فعلا
وبيظهر مع الاضاءه المنخفضه والشاشه تكون فيها حاجه رمادي