مشكلة قسيمة شراء طلبات

[MohamedGabr]

عند استخدام قسيمة الشراء الهديه من سامسونج a34

من طلبات .. عند إجراء الخطوات واتمامها وإضافة الكود .. بيعطي انه تم اضافة الكود بقيمة ٢٥٠ جنيه

وعند إتمام العملية والدفع بتخاف الخصم اللي بقيمة ٢٥٠ جنيه 

وبتقولي ادفع القيمة كامله

حاولت اكررها اكتر من مره بالكودين اللي معايا .. بيعمل نفس الطريقه

ارجو الحل؟

[Samsung Admin]

MohamedGabr

مساء الخير يا فندم مع حضرتك زهره من سامسونج مصر

بنشكرك جدا على طرح سؤالك وبنتمنى لحضرتك يوم سعيد

بناءا على سؤالك

بخصوص استفسار حضرتك استأذنك التأكد من الخطوات التالية:

توضيح صورة من خلال تطبيق Samsung members ثم الضغط علي قسائم و توضيح صورة من فاتورة الشراء الضريبية للتمكن من كامل الدعم و المساعدة

 ولو عند حضرتك أى استفسار أخر

موجودين تحت أمر حضرتك وفى خدمتك فى أى وقت

شكرا لحضرتك ولوقتك  

[MohamedGabr]

القسيمة تم اضفاتها بالفعل والحصول عليها..
والاسكرين شوت اللي انا باعتها لحضرتكم
دي بعد اضافة الكود وظاهر انه بقيمة ٢٥٠
ولكن لم يتم خصمة

[Ahmed2791]

القسيمة المفروض ٥٠٠ج مش ٢٥٠ج ولا هما ادولك ٢ كود؟

[MohamedGabr]

هما عدد ٢ كود كل كود بقيمة ٢٥٠ جنيه
وفي مشكله في ابلكيشن طلبات .. بعد محاولات كتير جدا لاستخدام الكود تم قبوله واحد .. ولسه المحاولات الجديده مستمره ..
يعني لما تجرب تستخدمه خالي عندك بال طويل
والمهم ان المشتريات تكون اعلي من ٢٥٠ جنيه عشان يخصم ٢٥٠
ومينفعش دمج الاتنين كود سوا في طلب واحد لازم كل واحد في طلب منفضل

[Fady55]

ممكن نفيدني اضافت ازاي علشان بحاول بقالي كتير و مش عايزة تتضاف

[MohamedGabr]

حقيقي بعتذر علي التأخر في الرد بس انا لسه شايف الرساله دلوقتي .. لو حضرتك مستخدمتش الكوبون الهديه
هتدخل علي علي التطبيق علي الجزء بتاع الهدايا
هتلاقي عدد ٢ كوبون
اضغط علي كل واحد
كل مره هيطلع لك كود
هتاخد الكود وتدخلي علي تطبيق طلبات ادخلي علي حسابك هتلاقي كلمه قسيمة
اضغط علي اضافة قسيمة شراء
اكتب الكود الاول هتلاقيه نزل في قائمة القسائم
وكرر العمليه في الكود التاني
لما تيجي تعمل طلب بقيمه فوق ٢٥٠ جنيه حتي ولو بجنيه واحد اضغط علي اضافة القسيمة
هتلاقي كل القسائم بتاعتك اختار المناسب لك
ومبروك عليك
انا استخدمتهم اول لما نزلت القسائم وكان وقتها في مشكله في طلبات لانهم مكنتش فعلوا الاتفاق مع سامسونج علي التطبيق .. ولكن في القسيمة التانيه اشتغلت علي طول وكل اللي اعرفهم استخدموها دلوقتي بدون اي مشاكل
صحيح صلاحيتها بعد لما تضيفها ٦ شهور يعني الأفضل اسحبها من هنا وضعها علي طلبات

يارب اكون افاتك