لما بغير لغة الجهاز من الانجليزي للعربي الجهاز بيهنج جامد ودرج التطبيقات بيختفي .. قلت اصبر شوية ، استنيت لأكثر من عشر دقايق برضه الجهاز مهنج .. عملت ريستارت برضه الجهاز مهنج .. رجعته للغة الانجليزية اتظبط وكل حاجة تمام .. رجعته تاني للعربي برضه هنج .. نزلت حزمة لغة عربية السعودية بدل مصر برضه هنج .. يا ريت لو حد عنده فكرة يساعدني
حاول لما تغير اللغة يبقى عندك نت سريع ، و غير اللغة و هو متصل بالإنترنت ، أما لو فضلت المشكلة موجودة يبقى مفيش غير إعادة ضبط المصنع ... و مش فاهم ليه الناس لا تزال بتعمل تليفوناتها بالإنجليزي أساسا ...لو مسكت تليفون أى حد من أى بلد تانية هتلاقى التليفون على لغة بلده... لكن إحنا لازم نعمله بالإنجليزي... العربى فى الأجهزة دلوقتى سهل و مفيهوش مشكلة ، ضيف على كده إن بعض الخدمات مربوطة أساسا باللغة ... على سبيل المثال الأخبار هتظهر عندك عن بلد اللغة الى أنت مختارها ، فلو أنت عامل إنجليزي uk هتبان عندك أخبار إنجلترا ، و لو عامل إنجليزي usa هتبان عندك أخبار أمريكا
