مشكلة القلم في نوت ١٠ بلس بعد زيارة التوكيل

[Esلam_Saعed]

طبعا انا وكتير من اللي معاهم نفس الجهاز نوت ١٠ بلس حصل مشكلة في القلم فجأه واصبح مش بيشحن وجميع خصائص ال air actions مش بتشتغل وشغال تاتش فقط خصوصا بعد اخر تحديث امنى...

رحت التوكيل بعد ما جربت كل حاجة واخرها الفورمات الكامل و في التوكيل الموظف جرب القلم بتاعي على اكتر من جهاز وكان النتيجة القلم مازال مش شغال.. جاب قلم من عنده وجربه على جهازي واشتغل عادي جدا... وهنا كانت المشكلة في القلم نفسه وعملت طلب بقلم جديد.

بعد سؤال الموظف عن سبب اللي حصل قالي ان مع الوقت بطارية القلم بتضعف لحد ما تفصل تماما ( حتى مع قلة او عدم الاستخدام) وبيوصل انه لازم يتغير.

لذلك اللي عنده نفس المشكلة وجرب كل الحلول مع الفورمات الكامل ولسه مش شغال او بيشحن في الحالة دي لازم تجيب قلم جديد...

**ملحوظة مهمة.. اللي هيغير القلم.. في كتير على امازون باسعار ٣٠٠ و ٤٠٠ جنيه خدو بالكو ان الاقلام دي تاتش فقط مفهاش خاصية البلوتوث وبالتالي مش هتتشحن او تشغل ال air actions عشان في بياعين مش بيكتبو الملحوظة دي وتنخدع في رخص سعر القلم

[أحــمــدالــعــانــي]

ذكرنا لك المشكلة في القلم

لكنك قلت أنك أستخدمت قلم آخر ولم يعمل وأن قلم جهازك عمل على هاتف آخر

عكس اليوم

[Esلam_Saعed]

ودا حقيقي والله ودا اللي خلاني اروح عشان اشوف حل باعتبار ان القلم مفهوش مشكلة وكنت رايح انه اما مشكلة سوفت او ان سينسور القلم داخل الجهاز مش شغال ولكن دا اللي حصل

[dina0622]

هو قصد حضرتك اى فى قله او عدم الاستخدام يعنى تكون مفعل الخاصيه يعنى مشغلها اللى عامله عليها بالازرق بس مش بتطلع القلم من المدخل وسايب الخاصيه مفتوحه القلم بيتشحن بس مش بتطالعو من المدخل تستخدمه هو ده المقصود حضرتك؟

[Samsung Admin]

مساء  الخير يا فندم مع اميرة من سامسونج مصر
بنشكرك جدا على طرح سؤالك وبنتمنى لحضرتك يوم سعيد
بناءا على سؤالك

استأذنك تقوم بعمل ريستارت للجهاز اولا
و اعادة ضبط للقلم ، افتح الإعدادات ، ثم ابحث عن قلم S Pen واختره. اضغط على S Pen مرة أخرى ، ثم اضغط على S Pen عن بعد أو الإجراءات الجوية ، ثم اضغط على المزيد من الخيارات (النقاط العمودية الثلاث). انقر فوق إعادة تعيين S Pen وانتظر حتى يقوم S Pen بإعادة ضبط نفسه.
ثم قم بعمل اختبار للقلم من خلال كتابة الكود التالي في جهات الاتصال:
الاتصال الهاتفي>

* # 0 * #
اضغط على "اختبار wacom" او s pen، ثم حرك قلم S عبر الشبكة في كل مرة. ستتحول الشبكة إلى لون اخر.
فى حالة تغيير لون الشاشة اثناء الاختبار يرجى اعادة ضبط المصنع للجهاز.
الضبط - الادارة العامة - ارجاع - اعادة تعيين بيانات المصنع - اعادة تعيين الجهاز - مسح الكل
قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج Samsung smart switch
http://www.samsung.com/eg/support/smartswitch/

 ولو عند حضرتك أى استفسار أخر
موجودين تحت أمر حضرتك وفى خدمتك فى أى وقت
شكرا لحضرتك ولوقتك  

[hussienaouf]

شكرا لك على مشاركة تجربتك. هذا أمر مزعج للغاية أن يحدث، لكن من الجيد أنك وجدت حلاً.

أتفق معك في أن بطارية القلم هي السبب الأكثر ترجيحًا للمشكلة. مع مرور الوقت، تفقد البطاريات قدرتها على تخزين الشحن. حتى مع قلة الاستخدام، يمكن أن تفقد البطارية شحنها بمرور الوقت.

أود أن أضيف بعض النصائح الإضافية للأشخاص الذين يواجهون هذه المشكلة:

تحقق من إعدادات Air Actions. قد يكون السبب في عدم عمل Air Actions هو إعداد غير صحيح. افتح الإعدادات وانتقل إلى "الميزات المتقدمة" > "قلم S Pen" > "Air Actions". تأكد من أن جميع الإعدادات صحيحة.

أعد تشغيل هاتفك. في بعض الحالات، قد يساعد إعادة تشغيل الهاتف في حل المشكلة.

قم بتحديث نظام التشغيل الخاص بك. قد تحتوي التحديثات الجديدة على إصلاحات للأخطاء قد تعالج هذه المشكلة.

إذا جربت كل هذه الحلول ولم تنجح، فمن المحتمل أن تكون المشكلة في القلم نفسه. في هذه الحالة، سيتعين عليك شراء قلم جديد.

فيما يتعلق بالملاحظة المهمة التي ذكرتها، فمن المهم التحقق من مواصفات القلم قبل الشراء. يجب أن تتأكد من أن القلم يحتوي على خاصية Bluetooth حتى تتمكن من استخدامه مع Air Actions.