للبيع

[xonld]

مقهور ان سعر النوت ٢٠ ألترا طاح بشكل مهول اشتريته بـ ٣٧٠٠ ريال في شهر ٧ لـ  ٢٠٢١ تقريبا 💔 كنت ببيعه و اخذلي جهاز صغير لانه تعب يدي من حجمه و دوبني اللي استوعب ،  اللي معي سناب دراغون و ماراح يجيب الكثير اذا بعته ندمت و تحسفت اني اخذت جهاز كبير و معاه قلم 

[3BADY_BIN_HANI]

كيف تعرف انه سناب دراقون او اكسينوس

[xonld]

من التطبيق هذا
https://play.google.com/store/apps/details?id=com.cpuid.cpu_z

[〆AL-Mutairi〆]

أعرضه في حراج لانه اخر جهاز باسم نوت ومعالج كوالكم وسلسلة 20 وقف تصنيعه فبيكون مرغوب مثل ماوضح صالح بالرد بالأسفل 👇

اما غالبية الأجهزة الأخرى وسبب نزولها وضحته برد منفصل

[SalehHm]

نوت 20 الترا معالج سناب دراغون سعره غالي يالطيب

[〆AL-Mutairi〆]

سلسلة 20 اذكر وقفوا تصنيعه وممكن يكون سبب في الرغبه في شراءه خصوصا كوالكم واتوقع بيكون مرغوب وخصوصا انه نوت وسعره افضل مقارنه بالاجهزه الأخرى مثل ماوضحت تحت لغالب الاجهزه 👍 👇

[SalehHm]

صحيح بس صاحب المنشور مو فاهم ان الي معه سعره بيكون كويس بس مو فاهم 👍

[〆AL-Mutairi〆]

السبب في نزول الأسعار سامسونج نفسها 👇

استراتيجيتها تنزل جوال مثلا ب 6600 ريال بعد مرور 3 أشهر تلقى سامسونج خفضت الجهاز إلى 4500 ريال!!!

فطبيعي سعر بيع المستعمل ينزل اكثر بفارق بينه وبين سعر الجديد بمايقارب الالف و 500

يعني اذا 4500 جديد بيع المستعمل نظيف 3 آلاف رغم انك ماخذه 6600 ريال بعد 3 أشهر تبيعه بفارق عن مشتراك 3 آلاف ريال!!!

وكل ماخذ ماخذ وقت نزلت سامسونج من سعر الجديد ينزل مقابله المستعمل مباشره


الأفضل عاده اللي يهمه سعر البيع بعد فتره

يشري الجهاز بعد نزوله مابين 3 إلى 6 شهور وياخذه مخفض ع الاقل 2500 من قيمة الطرح الاولي ولو أراد البيع يكون طاح من سعر مشتراك من 1000 إلى 900 ممكن ع حسب وقت شرائك بالنزول 👍


بمعنى عامل أجهزة سامسونج معاملة أسهم اشتره بالنزول من سعره الأساس مابين 3 أشهر إلى 6

بيكون مستقبلا عند البيع بدل ماتفقد 2500 او 3 آلاف

بيكون مابين 1000 إلى 1500

موفق 🌹

[sahharkoo]

اعرضه في موقع سومه افضل من حراج
حراج معظمه شريطيه ومحلات تبي ربح منك