السلام عليكم ورحمة الله وبركاته.. تكلمت عن السامسونج جالاكسي نوت 3 في أحد المنشورات السابقة وقلت لكم عن أن عمره معي 10 سنوات وراح يكمل حاليا 11 سنة،، وأن الجهاز تحفة فنية حتى بعد كل هذي المدة.. وعرفنا مع بعض عن هذا الجهاز.. والأن نكمل حكايتنا في لحظة إدراك 8 مع النوت 3
طبعا الجهاز حاليا شاشته متكسرة والقلم حقه ضايع والغطاء الخلفي للبطارية متكسر والبطارية متبدلة في عام 2015 والأن أصبح من الأشياء المهمة اللي راح أغيرها في هذا الجهاز هي البطارية وشيء مؤكد أنها راح تتغير لأنها صارت تطفي من 20% فما أقل،، ومع ذلك الجهاز مكمل رحلته معي للأن وما دخل الصيانة إلا مرة واحدة اللي هي يوم تتغير البطارية،، الجهاز بالنسبة لي كان وما زال أيقونة هواتف سامسونج بالنسبة لتجربتي.. عاش معي هذا الجهاز وضاع قلمه ومع الوقت الجهاز أزجعني وهو يقول لي: القلم غير موجود بداخل الهاتف،، يرجى إدخال القلم بداخل الهاتف. ومع الوقت وفي عام 2020 طاح مني الجهاز وتكسر للأسف ومع ذلك -ولله الحمد- أكمل الجهاز رحلته إلى يومنا هذا... الجهاز باللون الأسود ويدعم 4G على عكس الصورة اللي حطيتها في ذلك المنشور اللي قلت لكم أنني راح أحط الصور لنفس الجهاز اللي كان معي.. بس ما لقيت النسخة حق 4G.. ممكن لأنها نادرة في هذا الوقت أو شيء من هذا القبيل،،،،
إلى الأن.. يقدر النوت 3 أنه يشتغل بكل قوته الكاملة وحتى بعد 10 سنوات تقريبا.. راح أجرب أصور صورة في النوت 3 واقارن بينها وبين الصورة اللي راح يلتقطها جوالي الحالي اللي هو النوت 10 لايت.. أكيد أنكم لاحظتوا تكرار شرائي لأجهزة النوت.. نعم لأنني أحب النوت وأنا كنت من أكثر الناس سعادة يوم أتى الإس 22 ألترا بقلم S Pen.
عموما.. خلينا نشوف أداء الجهازين في التصوير
والأن خلونا نشوف المقارنة بين الجهاز الحالي اللي هو النوت 10 لايت والجهاز السابق اللي سويت عنه هذي المراجعة اللي هو النوت 3..
هذي هي صورة النوت 10 لايت وأكيد راح يكون شيء واضح أنها تم إلتقاطها من النوت 10 لايت لما تشوفون أداء النوت 3 في التصوير
وهذي هي صورة النوت 3 وبصراحة.. هذي مش من الجهاز وأنه أصبح قديم،، بل هذي الأثار والتشويش الموجود في الصورة من عوامل الترسيب اللي صارت للكاميرا بعد 10 سنوات😂💔
فعليا الجهاز مدمر بالفعل من كل النواحي.. يعني من ناحية صوت الجهاز الذي يخرج منه فهو تقريبا صوت غير واضح بالمرة!
ومن ناحية التصوير الكاميرا راحت فيها وهذي الصورة الأتية دليل على ما قلته😁💔
أتوقع واضح أن النوت 10 لايت هو الفائز في هذي المقارنة بسبب أن جودة الكاميرا في جهاز النوت 3 كانت سيئة (سيئة حاليا بس كانت كويسة في مقاييس زمن إطلاق الجهاز) وللمعلومية! الزجاج اللي يجي فوق الكاميرا غير موجود في كاميرا النوت 3 يعني أقدر ألمس الكاميرا وممكن هذي اللمسة تسبب كسر في الكاميرا!!
وهذي بعض الصور للجهاز:
والسلام عليكم ورحمة الله وبركاته
كان معكم أندرويدي٣٦٠ في لحظة إدراك 8 مع جهاز النوت 3
ومع السلامة....
معي جالكسي ايس 2 واس 1 واس 2 وشغالين
