عندي مشكلة في شحن الجهاز !! رطوبة في منفذ الشاحن

[Yazed27]

السلام عليكم عندي مشكله جاتني بجهازي لها تقريبا ٤ او ٥ شهور .. من اول ماكانت فيه ،، المهم الجوال صار مايشحن جربت اكثر من مره يطلع تنبيه يوجد رطوبه في منفذ الشاحن وتطلع علامة التعجب وصوت الانذار من الجوال وكلام مكتوب افصل الشلحن وتأكد من رطوبة الجهاز او شيء زي كذا ، ؟ وغيرت اسلاك كثير تقعد معي شهر شهرين ثم ترجع نفس الحركه .. وثانيا صار الجوال يشحن بطيء يقعد ٩ او ١٠ ساعات واحيان ينقص وهو في الشاحن بدال ماكان يشحن سريع .. مع العلم ان الجهاز اللي عندي جالكسي نوت ٩ وتو مكمل معي سنه ونص فقط والجهاز نظيف وش المشكله ؟؟؟ هل هذا خلل في نظام التحديث الجديد لجميع اجهزة سامسونج فيه احد مر بهالمشكله مثلي ؟!

[Anonymous · Accepted solution]

يمكن مشكلة بالمنفذ الشاحن يحتاج الى تغيير روح لصيانة عشان يفيدونك وتاريخ الضمان باقي عليه 6 شهور تقريباً على كلامك قلت سنة ونص استخدام لان تاريخ الضمان سنتين على جميع اجهزة سامسونج

[em7]

زي ما قال اخونا
و اهم شي فاتورة الشراء لان الفاتورة هي الضمان

[Anonymous]

اي صح لازم الفاتورة اثبات الشراء ، مشكلة يشحن 9 و 10 ساعات زين ماتعطلت البطارية

[JustMe1]

أنا معي نوت 10+ ولاحظت إذا ما شحنت بسلك وشاحن الجهاز الاصلي من الشركة ما يشحن شحن سريع فعلي

[Not56]

حاول تجفف منفذ الشاحن +سلك الشاحن إيقاف الهاتف لمدة ثلاث دقائق جرب ممكن ينفع
اذا نفع اعمل أختبار من الأدوات السريعة لمنفذ الشاحن
ممكن يضبط ليش لا
اذا انت عايش بمنطقة رطوبة زايدة جفف المنفذ مع سلك الشاحن ممكن تضبط معك

[〆AL-Mutairi〆]

اخوي الغالي جرب تحط الجهاز بخيشة الرز مدة ربع ساعه او نص ساعه معروف الرز يسحب الرطوبه وقبل جربناها مع نفس المشكله وراحت


او مجفف هوائي اذا نفس المشكله اطلع للصيانه

[em7]

اهم شي يكون الهواء بارد

[meskeeny]

اخوي أنا عندي نوت ٢٠ الترا وصارت معي نفس المشكلة ما يشحن ابد وتظهر هذي الرسالة الكريهة، بعد ٤ أيام صبر وديته ع الضمان، ولكن للأسف صار عندهم اسبوعين وللآن ينتظرون قطع الغيار توصل ولا أعتقد توصل قريب! بالنسبة لك اعطي الوكيل يصلح الجوال وما اعتقد بيتأخر لأن قطع غيار نوت ٩ متوفرة

[Yazed27]

الله يسلمكم ويعافيكم ويعطيكم العافيه جميع ماقصرتم ، كفيتو ووفيتو افدتوني الله يجزاكم بالخير .