ادخل على Settings - Developer Options - Bootloader (Must Be Unlocked) كل اللى مطلوب إن نشوف هل البوت-لودر مقفول لو لقيته مفتوح متقفلوش لأن فى احتمال إن النظام على الجهاز معدل أو معموله روت والاختيار ده هيعمل إعادة ضبط المصنع ويمسح كل حاجة موجودة على وحدة التخزين الداخلية واحتمال الجهاز مش هيشتغل فى حالة وجود مشكلة فى نظام التشغيل عشان كده انسب إقتراح هو تنزيل روم اصلى على الجهاز ولكن ده مش هيعالج مشكلة نظام الحماية نوكس ولكن كل حاجة هتشتغل عادى طول ما هى مش بتعتمد عليها
البوت-لودر كان مفتوح قبل كده والجهاز نزل عليه روم معدلة أو ريكڤرى معدل أو أتعمل له روت وده معناه إن نظام الحماية نوكس أصبح غير صالح وده ميخليش بعض التطبيقات تشتغل زاى تطبيقات البنوك وبعض تطبيقات التواصل الإجتماعى وبعض تطبيقات سامسونج عشان النوكس يرجع تانى محتاج تغيير بوردة الجهاز ولكن الجهاز محتاج يتعمله سوفت/روم فى جميع الأحوال
