Original topic:

جراب نوت ٢٠ الترا

(Topic created on: 10-03-2022 12:45 AM)
143 Views
MohamedGabr
Active Level 6
Options
جالاكسى نوت
ممكن اقتراح لجراب لنوت ٢٠ الترا .. يكون بيحمي جدا والظهر والحواف بتاعه ميخربش الموبيل 
ياريت اقتراح الجراب ومكان شراءه 
او صوره له واسم الموديل .. لاني نفسي في جراب يكون شكله حلو ومختلف ويليق بالموبيل
ملحوظة: انا بستخدم الجراب الاصلي الفيلب فيو .. بتاع الموبيل وسعره في الوكيل الف جنيه والميزة الرهيبه فيه ان حوافه وظهره من القطيفه مش بيخربش الموبيل او بيسيب اي علامات .. وحابب اجيب حاجه شكلها احلي واقوي ..

9 Comments
tabarry
Active Level 5
جالاكسى نوت
يا إما الجراب الشفاف السيليكون السامسونج الأصلي
يا إما
Spigen
0 Likes
Amira-elnagar
Moderator
Moderator
Options
جالاكسى نوت

MohamedGabr

مساء الخيريا فندم مع حضرتك اميرة من سامسونج مصر
بنشكرك جدا علي طرح سؤالك ونتمنى لحضرتك يوم سعيد
يمكنك دلوقتي الشراء  من خلال الموقع الرسمي الخاص
ممكن تشرفنا بزيارة الرابط التالي: 
https://shop.samsung.com/eg
 تقدر تشرفنا من خلال فرع المبيعات من خلال الرابط التالى:
http://www.samsung.com/eg/storelocator
ولو عند حضرتك أى استفسار أخر
موجودين تحت أمر حضرتك وفى خدمتك فى أى وقت
شكرا لحضرتك ولوقتك

0 Likes
MohamedGabr
Active Level 6
جالاكسى نوت
للاسف الشوب مفهوش اي جرابات او اكسسوارات للنوت ٢٠ الترا .. ياريت لو فيه يبقي اللينك مباشر للاكسسوارات
0 Likes
tito11375
Active Level 3
جالاكسى نوت
حضرتك ممكن تشوف ع امازون و في السراج مول اكتر من محل
و سؤال بعد اذنك
النوت عامل ايه مع حضرتك من حيث درجه حراره الجهاز و البطاريه
0 Likes
MohamedGabr
Active Level 6
جالاكسى نوت
انا بستخدم الجهاز طول اليوم انترنت ورسم وفوتوشوب وتصوير وكتابه محتوي علي ميكروسوفت اوفيس من اوت لوك او وورد او اكسل غير الكتب الاليكترونية علي ابجد او كاندل
من الاخر انا مطلع عين الموبيل ..
البطاريه بتشحن ٣ مرات في اليوم
واوقات كتير بكون موصله باللابتوب عشان ببقي عامل هوت سبوت بالكابل عشان اخد السرعه كامله بتاعه الانترنت فبالتالي بيكون مشحون
من الاخر البطاريه لا تصمد امام اللي بعمله

بالنسبه للحراره فهو بيسخسن وبيصل درجه ٥٩ وانا شغال فوتوشوب او برسم علي برامج الرسم وشغال موسيقي
انا في الطبيعي بيكون من ٢٧ درجه في الليل وبيصل الي٤٠ درجة في النهار

انا بتابع درجه الحراره من خلال برنامج
Cpu monitor
هتلاقيه علي الاستور ..

بخصوص بقي الجراب انا مش لاقي حاجه كويسه غير الجراب الاصلي وزهقت منه ومش عايز اغير لاي نوع يخربش الموبيل او يبوظه.. عشان كده بسأل لو حد مجرب حاجه بجد كويسه
0 Likes
tito11375
Active Level 3
جالاكسى نوت
يعني حضرتك درجه حراره ٤٠ و ٣٩ مش تقلق؟
انا لسه جايب الجهاز من ٩ أيام بس و منين اجيب الجراب الأصلي؟؟؟
0 Likes
MohamedGabr
Active Level 6
جالاكسى نوت
الجراب الاصلي انا جايبه من سامسونج ستور
نفسه
انا كنت جايبه من سنه ونص ب ١٢٠٠ جنيه واخر مره شوفته في الاستور في سيتي سنتر الماظة كان ب ٨٠٠ جنيه في عرض..
الصراحه الجراب سمارت فيو تحفه بجد لو عايز تجيبه هاته قمة الشياكة وعملي جدا
بالنسبه لدرجة الحراره لا تقلق انا عايش معاها ..
المره الوحيده اللي الدرجه كانت خطيره
كان تكييف العربية عطلان والجو حر جدا والموبيل في الشاحن ومشغل
GPS
واغاني من أنغامي
الموبيل سخن وراح عمال رنه طويله وطلع لي ع الشاشه رساله بتقول اني لازم افصل الشاحن واحاول اني ابرده
وفعلا فصلت الشاحن وسبته شوبه لان دىجه الحراره كانت وصلت ٩٠
ودي اول واخر مره عملها او انا ضغط عليه بغباء
tito11375
Active Level 3
جالاكسى نوت
شكرا على ذوقك و بعتذر تعبتك معايا
0 Likes
MohamedGabr
Active Level 6
جالاكسى نوت
العفو علي ايه .. ولو في حاجه اقدر اساعدك بيها قولي وانا تحت امرك
ومبروك عليك الموبيل .. صدقني اختيار رائع منك
حاول تنبسط بيه واستخدم مل إمكانياته
هات له وصله
HDMI
ووصله بالتلفزيون وياسلام لو ماوس وكيبورد بلوتوث
واستمتع ب خدمة
Dex
الموجوده فيه
ده غير لو معاك جيم باد يبقي كده للجيمز اخر عظمة علي التليفزيون
حقيقي انبسط بيه واستخدمه صح لانه جهاز معمول للشغل التقيل
ولو احتجت اي معلومه ابعت لي
0 Likes