تسجيل المكالمات في نوت ٩

[mostafaghonim78]

جهازي نوت ٩ (n960f) بس سوفت وير السعودية ، فمفيش تسجيل المكالمات ، حد عمل فورمات بخط مصري وتسجيل المكالمات ظهر في برنامج الاتصال معاه ... ؟! 

ولا اعمل السوفت المصري وخلاص ... 

[Mohamed927]

لا المفروض كان لما تعمله فورمات بالخط المصري كان جالك تسجيل المكالمات بس لما بتعمل سيت اب للجهاز بيجيلك خيار ان الجهاز يبقي علي السوفت وير المصري بس مش فاكر كان ايه الخيار ده

[mostafaghonim78]

يعني اعمل ضبط مصنع والخط راكب ... ولا من الريكفري ولا مفيش فايده ... ؟

[Mohamed927]

لا اعمل ضبط مصنع و الخط المصري موجود فيه

[mostafaghonim78]

تمام ، هجرب كده واشوف ان شاء الله

[WindierEar23299]

لو مظبتش جرب تنزل الروم المصري وخلاص

[magdysaad66]

سياسة الاندرويد ٩ او ١٠ منعت تسجيل المكالمات علشان كدا لازم تنزل تطبيق خارجي لتسجيل المكالمات و لا فرق بين سوفت وير سعودي او مصري

[Anonymous]

لا يا فندم اذاي التليفونات اللي عليها الروم المصرى مفتوح فيها التسجيل سواء اندرويد ٩ او ١٠
في حالة ان جوحل قفله خدمة التسجيل من نسخة بلد ما بينفعش فيها حتي البرامج الخارجيه لانها بتسجل طرف واحد من المكالمه اللي هو صوتك مش الطرف الاخر

[M30s2021]

اولا احفظ نسخة احتياطية من بياناتك وتأكد من معرفتك للبريد الإلكتروني للجهاز
ركب الشريحة المصرية بالجهاز
اغلق الجهاز وادخل من الريكفرى مود وفرمت الجهاز
اول ما يفتح كمل الاعدادات واشبك على واى فاى وتأكد ان الشريحة المصرية فقط بالجهاز وبعد لما يفتح الجهاز اترك الاسترداد والبرامج وادخل على طول للبحث عن تحديثات من الضبط جرب تحصل السوفت المصري كامل بينزل لك ومعاه تسجيل المكالمات
عن تجربة لنفس الجهاز وتلقيت بعدها اكثر من تحديث دون مشاكل بس اهم شى بعدها لا تفرمت الجهاز وفيه شريحة سعودى ساعتها ترجع للسعودى

[mostafaghonim78]

انا نزلت الفلاشة كاملة الخاصة ب (مصر) عن طريق الأودين وكله تمام وتسجيل المكالمات شغال تمام وخاصية ال
VoLTE
شغالة على الخطين تمام ...