تحديث one ui 4

[Baraagemy]

جهازي نوت 10 بلس نسخه الصين والمفروض ان الابديت يكون نزل بس لسه مجاليش مع ان مكتوب ف جدول الابديت انهم خلصوا النوت 10 والنوت 10 بلس 

[Matrix2000]

هو ديما بياخروا سناب دراجون ف التحديث لانهم بيشتغلوا على الاكسينوس الاول لانه معظم الناس بتستخدمه

[Baraagemy]

اه ما هو ف اندرويد 11 اتاخرنا برده بس الواجهه حلوة عجباني عن القديمه بس للاسف عندي مشكله ف القلم بيفضل اما يخرج م الجهاز

[Matrix2000]

بص انت هتحتاج تعمل اعاده تعيين لاعدادات الجهاز علشان تتفادى اي اخطاء بعد التحديث . لو انت مش هتقدر حاليا اعمل wipe cach memory مؤقتا

[Baraagemy]

الخطأ اصلا م قبل التحديث

[Matrix2000]

طب ولسه مكمل من بعد التحديث الجديد

[Baraagemy]

ايوة دا هو القلم ال air action مش شغلله كل ما اشيل القلم بيفصل عن الجهاز كان شغال كويس لغايه قريب ومستخدمتوش وفجأه عمل كدا يربط بالجهاز بصعوبه ولما يربط واجي اشيله عشان استخدمه يفصل الموضوع دا حصل لوحده

[Matrix2000]

طب اعمل تشغيل للجهاز ف الوضع الامن كدا وشوف هيحصل معاك كدا ولا لاء

[Baraagemy]

جهازي اصلا مبيرضاش حتي يدخل الريكفري مود لازم بالكمبيوتر مبيعملش بالزراير

[Matrix2000]

طب جرب كدا اعمل فورمات هيظبط ان شاء الله لو مظبطش بقا يبقي التوكيل يحللك الموضوع دا هو بيعمل اختبار للجهاز وهيقولك المشكلة سوفت وير ولا هارد وير

[Samah-Ahmed]

مساء الخير يا فندم

مع حضرتك سماح من سامسونج مصر

بنشكرك جدا على طرح سؤالك وبنتمنى لحضرتك يوم سعيد

فى البدايه بعتذرلك جدا عن المشكله اللى بتواجه حضرتك بعد التحديث

يرجى  اعادة ضبط المصنع للجهاز.
الضبط ← الاداره العامة ← إعادة الضبط ← إعادة تعيين بيانات المصنع ←إعادة ضبط ← مسح الكل.
قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

Samsung smart switch
http://www.samsung.com/eg/support/smartswitch/

فى حاله استمرار وجود هذه المشكله أستأذن حضرتك فى التوجه لاقرب مركز صيانه للتمكن من فحص الجهاز ومعرفه المشكله وحلها

تقدر تتعرف على أقرب مركز صيانه من خلال  الرابط الاتى
https://www.samsung.com/eg/support/service-center/

نتمنى حل المشكله عند حضرتك فى أقرب وقت ممكن

ولو عندك أى استفسار أخر

هتلاقينا تحت أمر حضرتك وفى خدمتك فى أى وقت

شكرا لحضرتك ولوقتك