إلغاء
إظهار نتائج لـ 
البحث بدلاً من ذلك عن 
هل تعني: 

الموضوع الأصلي:

تجربتى مع النوت ٩ لمدة ٣ سنين وحل للبعض المشاكل

(أُنشأ الموضوع في: 04-21-2022 05:55 PM)
AhmedHamdy4979
Active Level 3
خيارات
جالاكسى نوت
السلام عليكم 

انا معى نوت ٩ من حوالى ٣ سنين تقريبا وفضلته عن كل الموبيلات اللى كانت موجود فى السوق لعدة اسباب كان منها اكيد القلم وانه اكتر موبايل ممكن يساعدك فى الانتاجية وبفرق سنين عن اى موبايل تانى وانا فى كلية طب وكنت محتاج موبايل يساعدنى فى دراستى عشان بحتاج اعلم على حاجت فى صور وتحديد نصوص وبيساعدنى ف برامج 3d وحاجات تانى كتير وفعلا الموبايل كان قد المسؤلية وساعدنى جدا ومفيش موبايل هيقدم اللى هو بيقدم دا غير الكاميرات والشاشة والبطارة وحاجات كتير تقريبا كان موبايل مثالى مش ناقصه حاجة......

نيجى بقى للمشاكل اللى بدأت تحصل

1-من بعد سنة تقريبا او اقل حصلت حاجة غريبة الموبايل لما البطارية تخلص ويقفل واجى احطه على الشاحن كان بيدى انظار ان فيه مياه فى مدخل الشاحن وهو مفيش فيه حاجة حالص ولا قرب للمياه وبطل يشحن شحن سريع ومكنش بيتوصل باللابتوب الموضوع اتكرر كتير لحد ما روحت للشركة قالوا لازم يغير سوكت شحن انا مرضتش اغير السوكت لان الموبايل كان لسه جديد واشتريت كابل شحن جديد من هواوى بعد شحنتين المشكلة اختفت ولحد النهاردا مفيش اى مشكلة مع الشحن.

2-من حوالى ٦ شهور ال cover بتاع زرار power اتخلع لوحده بطريقة عجيبة.

3-البطارية من حوالى ٨ بدا يقل عمرها تدريجا يعنى كان البطارية توصل ل ١٠% الفون يفصل وبدات تزيد لحد ما وصلت لانه بيفصل بعد ٢٨% كانت البطارية بتجيب اقل من ٤ ساعات screen on time فى الشاحنة الكاملة كلمت الشركة قالو اعمل ضبط مصنع وعملت ومفيش حاجة اتغيرت حتى والفون فاضى من البرامج كلمتهم تانى قالو هيعوز يغير بطارية ف جربت افلش السوفت وير كامل بال odin برضو لسه المشكلة ف اضطريت انى اخد طرق غير شرعية ف فتحت bootloader وثبت twrp recovery عملت فورمات كامل للجهاز مسح كل حاجة من الموبايل لدرجة انه معدش عليه سوفت وير ومش بيفتح وبكدا الفون اتصفر وثبت عليه السوفت تانى وقفلت bootloader ورجعت كل حاجة تانى (مع العلم انك بعد العملية دى بفقد Samsung pass , pay & health وبرامج تانى) المهم ثبت البرنامج بتاعتى كلها تانى على الموبايل وحرفيا حصل السحر والبطارية رجعت كأن الموبايل لسه جديد فى screen shot بتوضح عمر البطارية بعد التصفير ف معنى كدا ان مش مشكلة بطارية واحنا بيتضحك علينا من الشركة وهى اللى بتقلل عمر البطارية .

4-تعالى للاداء اللى قل النص وبدا يحصل تقطيع ف كل حاجة لحد ما قرات عن موضوع game optimising service وانها هى السبب ف كل دا مش ان المعالج ضعف ولا حاجة وفعلا حذفتها من الفون بإستخدام adb وحصل السحر لتانى مرة والتقطيع اختفى من الفون وكل حااجة تمام ودا انعكس على الالعاب والاداء ف المجمل بقى احسن بكتر كأن الفون لسه جديد .

5-نيجى بقى لموضوع التحديثات وان الفون كان نازل ب اندرويد ٨ وكان اندرويد ٩ متوفر ف نفس الشهر قبل الاعلان عن الموبايل وبعدها بكام شهر جاله التحديث واتحسب كدا علينا سنة تحديث وبعدها اندرويد ١٠ اللى جه متاخر جدا وبكدا انت اخدت سنة وحدة بس تحديث مش سنتين زى م هما وعدو وكان الحجة بتاعت الشركة ان الموبايل ميقدرش يشيل اندرويد اكتر من كدا 

ف انا ثبت روم معدل بنسخة اندرويد ١٢ على الفون والموبايل كان شغالى تمام بدون اى مشاكل ف الاداء بل بالعكس كان عمر البطارية احسن بفرق ساعة او اكتر وكان ف قمة السلاسة وفى الالعاب برضو كان تمام ودى تالت مرة الشركة تنصب علينا.

وسياسة تقليل عمر البطارية والمعالج بتتطبق على كل الاجهزة

من ملخص الكلام دا كله ان الفون تمام جدا ويشتغل سنتين كمان من غير اى مشكة ليه بقى موبايل انا دافع فيه مبلغ مش قليل كان بنفس سعر iphone xs max تحرمنى من انى استخدمه اكتر من سنتين على عكس ابل اللى لسه لحد النهاردا iphone 7 بيجيله تحديثات عادى بس الشركة بتنصب علينا وكل دا ليه عشان تشترى موبايل جديد بالنسبة لى كا مستخدم نوت اكيد هشترى s22 ultra اللى سعره غالى جدا ومبالغ فيه (مش اقل من ٣١ الف )

فلو هشترى موبايل عادى ف انا قدامى حاجة زى pixel 6 pro ب ٢٠ الف ف مصر اللى اكيد افضل من s22+ اللى اغلى منه ٩ ألاف انا ممكن اجيب بفرق السعر دا تابلت للمذاكرة وانا الكسبان او حتى ايفون وهضمن تحديثات مش اقل من ٥ سنين 

وعلى فكرة دي سياسة سامسونج مع كل الموبيلات مش النوت بس ودى كانت تجربتى بعد ٣ سنين مع سامسونج اللى اكتشفت انه بيتنصب عليا طول المدة دى وانى هغير لشركة تانية واللى هتكون google كشخص محب للاندرويد.


image


image


image


image


32 التعليقات
الدولى002
Active Level 4
خيارات
جالاكسى نوت
انا عوز اعملك زيك والله
Mohamed60
Beginner Level 2
خيارات
جالاكسى نوت
ممكن ترسل لنا الطريقة لو تسمح انا بشحن البطارية ٤ مرات باليوم وجربت اكتر من حاجة
0 نقاط إعجاب
samsungmena
Global Community Manager
Global Community Manager
خيارات
جالاكسى نوت

Mohamed60

صباح الخير يا فندم مع حضرتك مهاد من سامسونج مصر

بنشكرك جدا علي طرح سؤالك ونتمنى لحضرتك يوم سعيد

فى البدايه بعتذر لحضرتك جدا عن المشكله اللى بتواجه

بناء على سؤالك

التأكد من استخدام الشاحن الاصلى الخاص بالجهاز

تجربة شاحن اخر مع الجهاز

قم بتخفيض درجه سطوع الشاشة

اغلاق الميزات الغير مستخدمة مثل البلوتوث وال GPS

قم بإغلاق التطبيقات المفتوحة والتى تعمل فى الخلفية وغير مستخدمة

قم بالتاكد من عدم وجود اى مشكله فى البطارية الخاصة بالجهاز او زر التشغيل

قم بمراجعه استهلاك البطاريه الخاصة بالجهاز لمعرفة اكثر التطبيقات المستهلكه للبطارية

عن طريق الضغط على الضبط – صيانة الجهاز – البطارية – استهلاك البطارية

قم بإستخدام الجهاز على وضع توفير الطاقة

فى حالة استمرار المشكلة يرجى اعادة ضبط المصنع للجهاز.

الضبط - الادارة العامة - ارجاع - اعادة تعيين بيانات المصنع - اعادة تعيين الجهاز - مسح الكل

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج Samsung smart switch

http://www.samsung.com/eg/support/smartswitch/

 ولو عند حضرتك أى استفسار أخر

موجودين تحت أمر حضرتك وفى خدمتك فى أى وقت

شكرا لحضرتك ولوقتك

 

 

0 نقاط إعجاب
RamyELGammal
Expert Level 5
خيارات
جالاكسى نوت
تحياتي 👍
البرنامج التاني اللي بتقول عليه هو الملف الأمن
AhmedHamdy4979
Active Level 3
خيارات
جالاكسى نوت
لاء الملف الامن شغال تمام
RamyELGammal
Expert Level 5
خيارات
جالاكسى نوت
كده يا صاحبي في حاجه في الكلام غلط ومش راكبه
AhmedHamdy4979
Active Level 3
خيارات
جالاكسى نوت
شغال عادى Screenshot_20220421-212114_Samsung Health.jpgScreenshot_20220421-211850_Secure Folder.jpg
0 نقاط إعجاب
MahmoudHamed
Active Level 6
خيارات
جالاكسى نوت
أشكرك على المعلومات القيمة و أنا متحمس لكلامك و لكن حضرتك ثبت ازاي برنامج twrp الي هو بديل الريكفري و بعد كده نزلت السوفتويير الاصلي للجهاز و النوكس شغال عادي ازاااي؟؟؟
AhmedHamdy4979
Active Level 3
خيارات
جالاكسى نوت
انا ثبت twrp وبعد كدا عملت الفورمات ورجعت ثبت السوفت وير الاصلى من موقع الشركة ببرنام odin وقفلت bootloader تانى بس فيى برامج مبتشتغلش بعد ما تفتح bootloader زى Samsung health 'pay' pass