السلام عليكم ورحمة الله وبركاته،، تقريبا مرت سنة كاملة على شرائي للنوت 10 لايت والجهاز هذا يعتبر جهاز قوي ومنافس في الفئة المتوسطة الشبه رائدة لأن الجهاز يحمل مواصفات جدا قوية مثل الشاشة الكبيرة بحجم 6.7 إنش والقلم الرهيب اللي يدعم ميزات كثيرة وأهم شيء السعر اللي هو 1500 ريال سعودي فقط
والجهاز حاليا عمره 3 سنوات تقريبا منذ اطلاقه،، يعني حتى بعد 3 سنوات يبقى جهاز أسطورة،،ولكن من الأشياء اللي لاحظتها في الجهاز ان في الجهة اليمنى فيه نقط بيضاء صغيرة كثيرة موجودة على هيكل الجوال ولكنها ما تأثر على الاستخدام،،الجهاز معي حالته زي العسل،، ما شاء الله تبارك الرحمن،، جهاز اسطوري وحلو مرة،، وكل هذا وهو نوت،، الجوال ينفع للي يبي نوت ولكنه ما عنده فلوس،، الجهاز هذا هو نوت ولكنه مش عادي ابدا،، الجهاز يعتبر جبار ذو قوة عالية ولكن بسعر اقل من المعقول،، وللي يحتاج منفذ سماعة،، فيه منفذ سماعة اللي اغلب الجوالات حاليا ما تتوفر معه،، والسماعة حق الجوال،، اذكروا الله،، جدا نقي الصوت وجدا واضح،، اللي يميز هذا الجوال انه رخيص جدا حاليا ولكنه مش موجود في الأسواق الرسمية مثل نون وجرير وهذي الأسواق،، موجود في حراج بسعر يبدأ من 900 ريال وينتهي ب 1400 ريال تقريبا،، جدا كويس وأنصح الناس بشرائه اذا تبي جوال رخيص وكويس
الجوال جدا مناسب للألعاب مثل فيفا او اسفلت 8 او اسفلت 9 اللي يعتبرون العاب ذات دقة عالية وتحتاج الى موارد اكثر من الألعاب الأخرى ولكن الجوال صدمني بأدائه الرهيب والحلو والجميل،،أداء الجوال رهيب ومرة حلو رغم ان الجوال عمره 3 سنوات منذ اول استخدام للمستخدم الأول(سنة واحدة معي) يقدر يشغل العاب قوية وكبيرة وذات حجم عالي،، البطارية جدا حلوة وكويسة وتقعد معك حوالي يوم ونص كذا تقريبا،، هذا استهلاكي للجوال حاليا:
وهذي صور للمواصفات حق الجوال:
وبكذا انتهينا من المراجعة يا شباب ومع السلامة
