بخصوص اسكرينات هامر

[MohamedGabr]

انا معايا نوت ٢٠ الترا 

جاي عليه سكرينه الشركة الأصلية..

بفكر بعد مكنت في مول حد من شركة هامر بتاعه الاسكرينات وقفني وكلمني علي جوده شغلهم 

باني اغير سكرينه الحماية اللي علي الشاشه وكمان سكرين لظهر الموبيل وسكرين للكاميرات بقيمة ٧٥٠ جنيه ..

وفرجني علي موديلات حدفها علي الارض ومحصلش اي خدش او كسر فيها ..

انا بجد عايز اعرف لو حد جربهم .. وايه رايكم اغير فعلا الاسكرينه اللي جايه مع الموبيل خصوصا انه قالي ان دي جيلاتين خفيفه للخدش بس عكس هامر انها ضد الخدش والكسر للموبايل وش وظهر ..

ايه رايكم .. افدوني

[soly_noble]

موبايلى زى موبابيلك و مركبله سكرينة إزاز.

[faisal2030]

انا شخصيا جهازي ما زال بالاسكرينه بتاع الشركه . وداخل ع سنه وماشاء الله لا قوة الا بالله لا يمسه شئ.
ومن وجهة نظري البسيطه . لا يوجد افضل مما جاء به من مصنعه. عن تجربه لسنوات

[Anonymous]

فينك ياعم فيصل بتختفي كتير كده ليه؟؟؟

[faisal2030]

حبيبي محمود باشا . البركه فيك ياغالي

[Anonymous]

بس ده مش معناه انك ماتبقاش موجود كل واحد بيشارك حسب معلوماته و خبراته الشخصية ممكن اقول حل يطلع غلط حضرتك تتضيف حل تاني يطلع صح وهكذا فمتحرمناش من وجودك 🤍🤍🤍

[faisal2030]

تسلم يامحترم .

[Esلam_Saعed]

انا كنت سالت عندهم قبل كده بعد ما شوفت فيديوهات دعاية لكن اولا استغليت السعر جدا لانه مبالغ فيه جدا جدا و ركبت اسكرينه جيلاتين تانية كويسه جدا لكن طبعا مش هجرب اوقع التلفون عشان اشوف الكفائة 🤣🤣
لكن انا مع راي الناس ان السكرينه اللي مش هتمتص الصدمة هتنقلها ف ركب اسكرينه كويسه مع الجراب الاصلي بيحمي الوش والظهر كويس جدا

[soly_noble]

سكرينة جيلاتين مش حتمتص الصدمة لو وقع

[MygalaxyA71]

بص يا باشا ... انا شوفت فديوهات لهامر و كمان زرتهم على الطبيعة ... الحماية اللى بيوفروها للموبايل شكلها كويس .. و هو بيقولك ان السعر ببكون ٨٥٠ و هعمل تخفيص و نخليه ٧٥٠ و كمان هدية لصقة حماية على الكاميرا كل ده كويس بس الموضوع هو ان مهما كانت الحماية مش هتمنع الكسر بأى حال من الاحول لو مقدر للموبايل انه ينكسر .. على فكرة هما قالولى احنا بديك حمابة كامة بنسبة ١٠٠% على الظهر و ٨٠ %على الشاسة معنى كدا ان برضه فى نسبة ان ممكن يحصل ضرر للشاشة .. انا عارف الحيرة اللى انتى فيها ....
راى انك تعمله حماية هامر عشان تكون مرتاح نفسيا عشان لا قدر الله لو حصل حاجة للموبايل متزعلش و تلوم نفسك .. و ياسيدى اللى دفع تمن 20 ultra مش هيفرق معاه خالص ٧٥٠ بتوع الحماية ... ربنا يحفظهولك .. اسف على الاطالة و شكرا...

[MohamedGabr]

كلامك مظبوط وده فعلا الكلام اللي قاله ليا .. وموضوع انه ل ٧٥٠ جنيه هو كتير نسبيا بس مش كتير بالنسبه للموبايل او تمن شاشته ... انا بقي حيرتي التانيه هو اشيل الجلاتين اللي جاي مع الموبيل من مصنعه ولا لو كنت فعلا هعمل الهامر انتظر شويه .. خصوصا ان الجراب الاصلي بداء يعمل خدوش علي الاسكرين الجلاتين مكان قفل الجراب..
هي فعلا زي مانت قولت حيره فعلا