بالنسبة لتحديث النوت ٩

[DrMostafa1984]

هل يصح او ينفع ان موبايل زي نوت ٩ ماينزلش عليه غير أندرويد ١٠ و موبايلات تانية اقل في المواصفات من سامسونج ينزل عليها التحديث الجديد أندرويد ١١ 

[عميل]

انا فاهم قصدك حضرتك بس المشكلة مش بتبقى فى النوع المشكلة فى ان إمكانيات الهاتف الشركة شايفاها مش هتبقى كويسة مع اندرويد ١١ ده غير أن فى موبايلات بنستنى عليها شوية لحد ما يوصلها التحديث عشان بيبقى فى الاولى منها فوق فى السلسلة
بس كده

[DrMostafa1984]

لا لا لا، المشكلة في سياسية الشركة الغير عادلة اللي هاتخاللي الواحد يفكر يروح لشركة تانية زي iPhone طبعا
بدليل ان سامسونج A70
نزل ليه التحديث امبارح و ده موبايل اقل في الامكانيات من النوت ٩

[عميل]

حاول تبحث عن معاد نزول لتحديث جايز يبقى لفونك تحديث

[OmarA212]

هو ده لسبب واحد وهو ان كل موبايل من الشركة ليه تحديثين اساسيين بس وفي يمكن موبايلات ليها ٣ فبالتالي النوت ٩ كان نازل بأندرويد ٨ واخد بعديها اندرويد ٩ و ١٠ وخلص على كده والايه ٧٠ نزل باندرويد ٩ ونزله ١٠ و ١١ وخلص على كده واكيد انا متفق معاك ان السياسة دي زفت

[Semsem21]

السلام عليكم
احب اقول لحضرتك انا معايا A71 ونزلت التحديث من يومين و ندمان وباتمنى اعرف ارجعه android 10 تاني

[عميل]

وبعدين لو هنتكلم سياسة شركة الشركة اساسا شركة سامسونج بتقول انك تغير فونك كل ٣ سنين عشان بعد ٣ سنين مش بتقدر تنزلك كل حاجة عشان تشترى حضرتك فون جديد منهم بس متقولش تروح لايفون عشان كل حد مستخدم سامسونج عارف اهميتهت

[DrMostafa1984]

انا مستخدم سامسونج من زمان و شايف انه موبايل رائع، بس فكرة انك تغير موبايلك كل ٣ سنوات عمري ما سمعتها في إعلان او في توصية من الشركة.
المفروض انها تدعمك طالما موبايلك إمكانياته تسمح، مش إجبار ان كل ٣ سنوات تغير موبايلك

[عميل]

هو حضرتك مش إجبار انت حر بس متجيش تقول ان الشركة مش بتتدعمك عشان الشركة ملهاش ذنب انك واخد فون بقاله ٣ سنين فعلا وفى الموضوع ده ادخل شوف ع النت

[DrMostafa1984]

طيب انا حر اقول اللي لما عاوزه طالما ملتزم بسياسة المنتدى..
و انا بقول انا سامسونج المفروض انها تدعم الموبايل طالما انه تقنيا يسمح بكده..
انت بقى ليه الكلام ده مش عاجبك؟