اهتمام الشركات بالايفون واهمال ماسواه

[ابوملاك]

استغرب من تحيز الشركات للايفون وكأنه الجهاز الوحيد الذي يستحق وانه إنجاز يفخرون به 

دعاياتهم للايفون مختلفة وكانه سبق اخباري

عندما تدخل تطبيق الراجحي لاتجده يبيع الا الايفون كذلك ساكو 

في السوشل ميديا الكل يضع جوائز فقط الايفوون وهداياهم آيفون شيء غريب 

اذا دخلت تطبيق stc ستلاحظ الفرق في عرض المواصفات بشكل عنصري 

لاحظوا الصور 

اعتقد واضح الفرق 

فماهو السر ياترى 

[SHAHAD500]

قبل درستها بتخصصي
الشركات ماتشتري الا الشي الي تضمن عليه اقبال من المستهلكين تدرس المجتمع وتفضيلاتهم
عشان كذا تشوف في السعودية اغلب تطبيقاتهم من بنوك وحسابات سوشل ميديا يحطون ايفون لان اغلب الشعب السعودي يستخدمون ايفون.
وتلاحظ برضو نقاط البيع لو بتبيع جوالك يطيح سعره بس الايفون يمسك سعره والسبب تفضيلات المجتمع.
بالنسبه للمواصفات التقنيه احس عارفين ان حقين الاندرويد اذكياء.

[SHAHAD500]

بالضبط هذا قصدي مو تلاعب وغش من ابل الشركات الي تشتري ايفون وتعرضه لمتاجره تبيه لمصلحتها لانها دارسه السوق

[s23ultra]

اغلب الشعب عندنا ياخذ على الهبه و المدح والسمعه المفروض الشخص ياخذ الشيء اللي يفضله هو ماهو اللي يفضلونه الناس بعض الأشخاص حتى لو يبغى سيارة محدده او جوال يهتم برأي الناس ونظرتهم ويعتبر هذا الشيء يدل على وجاهته في المجتمع زي هبت سيارات اللكزس عندنا والله وتالله انها عبارة سيارات تويوتا بشعار مختلف بدبل السعر الشركه مترزقه من ظهروهم فقط اضافو حرف L حتى انها تنزل في روسيا وبعض الدول بشعار تويوتا لكن هنا اغلب الناس داجين ومع الخيل ياشقراء والايفون نفس الإشكالية لاحظت بالذات الحريم وصغار السن يعتبرونه دليل على الثقافه والتطور مع انهم مايعرفون فيه شيء مجرد استخدام عادي جوال ب ٢٠٠ ريال يقوم بالمهمه لكن الشعور بنقص الذات ومحاولت سد الفراغ بالمظاهر الزائفه هي المشكله

انا ما اتكلم عن اللي ياخذ جوال او سياره عن اقتناع ويكون ملم بمعلوماتحول المنتج ويقارن الأفضل

انا اتكلم عن بعض صغار العقول اللي ياخذ مع الهبه وكلمه تجيبه وكلمه توديه

[AbdulazizAlturki]

المشكلة يا عزيزي في سامسونج و شركات الاندرويد ما فيه اهتمام بالسوق السعودي. شوف كم لنا سنة نطالب بمعالج كوالكوم و اخيرا جاء بعد ما هرمنا.. و لا نزال ننتظر خدمة سامسونج للدفع الإلكتروني و متوفرة في اغلب الدول اللي حولنا مع ان ابل وفرتها من زمان بس سامسونج للأمانة متجاهلة عملائها في المنطقة

[محمدبنءسعد]

المشكله من الإدارة عندنا لنه اكثر دول الخليج شغال عندها حق الدفع

[محمدبنءسعد]

شف اغلب الشعب مب فاهم ف التقنيه 2فالسعوديه الواحد ياخذ ايفون قديم من 6سنوات حتا لو بدين عشان يصير مثل ربعه 3 فيه فكر انك ايذ عندك ايفون انت كشخه 4تناقشت معا ربعي الي معهم ايفون نفس الكلام يبي يصير مثل الشعب ويذا سالته عن جواله ميعرف شي 🙃

[RAV9]

طيب انا معي ايفون واخر اهتمامي احد يعرف ان معي ايفون جديد .. ومشتريه لان جودة التطبيقات بالايفون وطرق الدفع افضل من اندرويد

[ابوملاك]

جودة التطبيقات ربما مسألة ذوقية

والدفع انا فقط اضع جهازي على جهاز المشتريات ويتم الدفع اين فرق السرعة هل تحتاج لفتح التطبيق والرقم السري ؟

[RAV9]

طبيعي لانكذب على بعض الايفون منتشر عندنا بشكل جنوني