السلام عليكم ورحمة الله وبركاته،، اليوم راح اتكلم عن جهازي الجالكسي نوت 10 لايت،، طبعا الجهاز مستعمل للعلم والجهاز شريته قبل سنة و 9 أشهر والجهاز كانت أموره طيبة ولله الحمد
وبعد اسبوع تقريبا كان الجهاز زي يوم ما شريته وللعلم استخدام خفيف سنتين تقريبا ولكن الجهاز ما فيه اي كسور او اي خدوش ولكن بعد شهر تقريبا الكاميرا بدأت تصير حارة كل ما استخدم الجهاز حتى لو ما استخدمت الكاميرا نفسها (الكاميرا الخلفية)
وطبعا بعد 3 شهور الجهاز كان كويس ولكن صارت فيه نقاط بيضاء على هيكل الجوال وما عرفت ويمكن هذي آثار مع الوقت ولكن ما كانت تأثر على الجوال وبعد 6 شهور جوالي طاح في المياه وخرب وصلحته بعد شهرين يعني بعد 8 شهور من شراء الجوال الجهاز قام يصير بطيء شويتين ولكن إذا سويت له اعادة تشغيل يرجع سريع زي ما كان وطبعا ما ننسى ان فيه قلم وانا احب الرسم شويتين فجربت القلم وكان كويس وللعلم اغلب الوقت القلم يكون داخل الجوال،، وبعد سنة تقريبا الجهاز كانت أموره طيبه وكل شيء كان كويس فيه وما كان فيه مشاكل كثيرة ونزلت لكم مراجعة للجوال بعد سنة كاملة من شرائي للجوال
وبعد شهرين من إكمال السنة للجوال معي لاحظت انه يصير بطيء شوي في الشاحن ويصير ابطئ تدريجيا كل يوم ولكن ما كان فيه مشكلة معي،، وبعد سنة و 5 اشهر ما كان فيه اي مشاكل في الجهاز،، وبعد سنة و 7 أشهر الجهاز كان جدا كويس وبقى زي ما كان مثل ما اشتريته من المستخدم الأول وبعد سنة و 9 أشهر الجهاز بقى على ما هو عليه وما كان فيه أي مشاكل ولكن الكاميرا الخلفية تصير حارة بمجرد مرور 3 دقائق من فتحي لتطبيق الكاميرا ولكن ما أثرت في جودة الصورة او الفيديو ولكن بدأت الاحظ ان حتى القلم حق الجوال فيه نقاط بيضاء زي اللي صار مع هيكل الجوال
٢. تجربتي في الألعاب: الجهاز كان كويس في الألعاب الثقيلة مثل فيفا موبايل وبيس موبايل والجهاز جدا مريح في الألعاب ولكن بعد فترة تقارب حوالي 25 دقيقة من اللعب المتواصل راح يكون حار شويتين بس ما راح يأثر على الأداء أما من ناحية الألعاب الأخرى الجهاز يعتبر جدا جميل في تشغيل الألعاب ويشغلها بدون اي مشاكل تذكر ((ما شاء الله تبارك الله))
نصيحة: لا تشتري جوال مستعمل علشان ما يصير معك نكبة زي اللي صار معي في الجالكسي A51
