استبدال نوت ٢٠ الترا نسخة الاكسينوس بنوت ٢١ القادمه

[MahmoudZaki91]

الرجاء استبدال نوت ٢٠ الترا نسخة الاكسينوس بنوت ٢١ القادمه  نظرا لضعف البطارية وسخونة المعالج الشديده - سامسونج شركة عملاقة وده هيتحسب لصالح سامسونج نظرا لظهور العديد من المشاكل والمقارنات السلبيه اللى تتم بين نوت ٢٠ الترا اكسينوس ونوت ٢٠ الترا سناب دراجون التى يتم انتاجها لامريكا وبعض الدول مما يشعر مستخدمين سامسونج بالتفرقه فى المعامله خصوصا وان الجهازين بنفس السعر !! 

#استبدال نوت ٢٠ الترا نسخة الاكسينوس بنوت ٢١ القادمه#

[Amira-elnagar]

مساء الخير

MahmoudZaki91

مع حضرتك اميرة  من سامسونج مصر

بنشكرك جدا علي طرح سؤالك 

فى البدايه بعتذر لحضرتك جدا عن المشكله اللى بتواجه

بناء على سؤالك بالنسبة لمشكلة البطارية 

أستأذن حضرتك فى اتباع الخطوات دى :

1.قم بتعديل درجة سطوع الشاشه

2-كل ما كانت الشبكه ضعيفه كل ما كان التليفون بيبذل جهد وبيقوى الشبكه فبالتالى بيسحب من البطاريه 

3-قم باغلاق التطبيقات المفتوحه 

4-قم بالتأكد من عدم وجود أى مشكله فى البطاريه الخاصه بالجهاز أو زر التشغيل 

5 -استخدام الشاحن الاصلى بالجهاز 

بالنسبة لمشكلة السخونة

أستأذنك فى عمل الخطوات دى علشان نقدر نحل المشكله الموجوده 

1-قم بالتاكد هل السخونه تظهر عند شحن الجهاز فقط ام عند الاستخدام بشكل عام

2-عند استخدام الجهاز لفتره طويله سوف تحس بسخونه منه يمكن تحملها

3-متاح للجهاز ام لا Software قم بالتاكد هل هناك اى تحديث

4-قم بعمل اعاده ضبط مصنع  للجهاز عن طريق الخطوات الاتيه

1- الضبط 

2-الاداره العامه 

3- اعاده الضبط 

4-اعاده تعييين بيانات المصنع 

5 -اعاده الضبط 

6-مسح الكل 

واستأذن حضرتك 

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

 Samsung smart switch

http://www.samsung.com/eg/support/smartswitch/

5-فى حالة ارتفاع درجه حراره الجهاز بصوره غير طبيعيه و عدم القدره على لمس الجهاز عند ارتفاع درجه الحراره يجب التوجه لمركز الصيانه

ولمعرفه أقرب مركز صيانه خاص بحضرتك من خلال الرابط التالى : 

https://www.samsung.com/eg/support/service-center/

 ولو عند حضرتك أى استفسار أخر

موجودين تحت أمر حضرتك وفى خدمتك فى أى وقت

شكرا لحضرتك ولوقتك

[Amira-elnagar]

بالنسبة للاستبدال

لو موبايلك من الموديلات دي A70 – A71 – S10 – S20 -  Note 10 – Note 20
دلوقتي تقدر تستبدله مهما كانت حالته  بأحدث أجهزة سامسونجS21  من خلال بعض فروع سامسونج المعتمده
يرجي زيارة أقرب فرع لمعرفة كافة التفاصيل
 و يتم تحديد سعر الجهاز من خلال مركز الخدمة و ممكن تقسط علي 12 شهر بدون فوائد 

يرجي العلم بأن السعر التقيمي  لجهازك Note 20 ultra :12500جنية مصري 
بشرط يكون الجهاز بحاله جيده ومعاه المحلقات الخاصه به
و السعر النهائي بيتم تحديده بعد الفحص
وبناء علي ذلك تحديد تكلفة الفارق بين الجهازين بيتم توضيحه من الفرع يافندم

القاهرة:
55 عباس العقاد
https://maps.app.goo.gl/NMk7e7uX5aAqDrcm7

الإسكندرية:
19 مصطفى كامل
https://maps.app.goo.gl/4uobysuCw69JNZoH7

تطبق الشروط والأحكام

 ولو عند حضرتك أى استفسار أخر

موجودين تحت أمر حضرتك وفى خدمتك فى أى وقت

شكرا لحضرتك ولوقتك