Original topic:

أفضل الطرق المحافظة على طاقة الموبايل

(Topic created on: 10-30-2020 04:04 AM)
158 Views
Moofy
Active Level 5
Options
جالاكسى نوت
إستمتع صح بالموبايل بتاعك لكن ماتنساش !!

- شبكة ال 4G مهمة فى إستخدام الإنترنت ، لكن لو مش هتستخدم إنترنت ، هتكون المكالمات كويسة على شبكة 3G ، طبعا الكلام برضوا على شبكة 5G ، مش بقول مش مهمة لكن قولت كويسة. 

- كواليتى الشاشة من الحاجات المهمة جدا فى الألعاب بالأخص ، لكن لو مش بتستخدم الموبايل فى الألعاب ، هيكون تقليل كواليتى الشاشة شئ مناسب لتقليل إستخدام الطاقة.

- أجهزة النوت تعتبر من أعلى فئات الأجهزة فى سامسونج ، دا لو مكنش فى كل العالم ، كلها حساسات (sensors) ، وكلها بتستهلك من طاقة الموبايل ، وأبسط سينسور تقدر تستغنى عنه هو سيسنسور حساس الضوء ، إللى بيهيئ شاشة الموبايل للسطوع حسب إضاءة المكان ، إختار المناسب ليك يدويا حسب المكان إللى إنت فيه ، وماتنساش وإنت بتستخدم الموبايل فى النهار تعلى سطوع الشاشة.

- سطوح الشاشة من أكتر الحاجات فى الموبايل بتستهلك طاقة البطارية ، و إتكلمت النقطة إللى فاتت عن حساس الضوء ، ماتنساش تقلل سطوع الشاشة فى الأماكن المعتمة نوعا ما ، لو مكنش علشان خاطر البطارية ، هيبقى علشان خاطر حماية عينيك.

- حماية عينيك تقدر تستخدم فيها خاصية حماية العين ، و دا بيقلل سطوع الضوء الازرق من الشاشة ، لحساب الضوء الأحمر ، بغض النظر إنه بيغير من ألوان الشاشة إلا إنه كمان بيستخدم سيسنور الضوء ، وإللى إتكلمت عنه فى النقطة إللى فاتت.

- لو من محبى التصوير هنرجع للنقطتين إللى فاتوا ونقراهم تانى ، ونضيف عليها معلومة التصوير 4K هتستهلك من البطارية ومن مساحة الموبايل ، ماتنساش تحتفظ بالفيديوهات بتاعتك على كمبيوتر او لاب توب خاص بيك ، لأن التصوير بدقة عالية بيستهلك مساحة كبيرة كمان.

طبعا دي مش كل الطرق ، وكل واحد له طريقته الخاصة إللى بيقدر يوفر بيها طاقة الموبايل ، لكن على كل حال هيفضل النوت من أفضل الأجهزة المحمولة على الإطلاق.

قريب هكلمكم عن خزعبلات الهرى المباشر بين مستخدمين معالجى سناب دراجون وإكسينوس على أجهزة سامسونج.
1 Comment
Sara-nader
Moderator
Moderator
Options
جالاكسى نوت

مساء الخير يا فندم مع حضرتك ساره من سامسونج مصر

بنشكرك جدا على مشاركتك معانا ومجهودك الرائع وبنتمنى لحضرتك يوم سعيد

ولو عند حضرتك أى استفسار أستأذنك توضحه

واحنا موجودين تحت امر حضرتك وفى خدمتك فى أى وقت 

شكرا لحضرتك ولوقتك

0 Likes