Galaxy A70

[amrlmahdy]

السلام عليكم

انا ملاحظ يا جماعه ان البصمة في ال secure folder سريعة وسلسه عن الواجهة العادية 

ليه سامسونج متعتمدش التقنيه اللي بتستخدمها في الملف الامن من ناحية البصمة يعني في الواجهة العادية ؟

[Kirolos_Habib]

ممكن في التحديث الجديد المشكله تتحل باذن الله

[amrlmahdy]

نتمنى ده باذن الله

[elbasha97]

انا عندي بتعلق كتير ومش بتشتغل ف بقيت افتح بالباسورد او بصمة الوجه

[amrlmahdy]

للاسف اسوأ حاجه ف التليفون هي البصمة

[elbasha97]

ده للاسف وياريت تكون احسن في التحديث الجديد

[tarek890810]

تم

[AhmedKamel1]

خت بالى ، بس هما قاصدين يأخروها شوية عشان امن الجهاز ويتأكد انه نفس الصباع لان بعض الناس اشتكت ان صباع اخر قدر يفتح وسامسونج قالت ان دا بسبب الاسكرينة بتسيب بصمة اخر صباع فبالتالى اى صباع اخر هيدوس ع البصمة يفتح بالعلامة المتروكة
فعشان كدا تقلتها ودلوقتى لازم تضغط جامد

[Sara-nader]

صباح الخير يا أستاذ عمرو مع حضرتك ساره من سامسونج مصر

بنشكرك جدا علي طرح سؤالك ونتمنى لحضرتك يوم سعيد

فى البدايه بعتذر لحضرتك جدا عن المشكله اللى بتواجهك

وسيتم وضع رأي حضرتك من ضمن المقترحات للتمكن من عمل ذلك ان امكن

ولو فى أى مشكله موجوده فى البصمه عند حضرتك 

أستأذنك فى عمل الخطوات الاتيه :

1-فتح الضبط 

2- الشاشه 

3- تفعيل حساسيه اللمس 

4- الغاء اللمس العرضى

ثم اعاده تشغيل الجهاز وتشغيل بصمه جديده 

ثم عمل اختبار البصمه الخاص بالجهاز  

1- الاتصال بكود *#0*#

2-نختار كلمه sensor

3-نختار finger print 

4- ضغط على normal test 

نتركها تعمل scan لو ظهر لحضرتك كلمه pass تبقى المشكله اتحلت

وفي حال تكرار نفس المشكلة بعد عمل كل الخطوات 

يرجى عمل ضبط مصنع للجهاز عن طريق الخطوات الاتيه : 

- الضبط 

-الاداره العامه 

- اعاده الضبط 

-اعاده تعييين بيانات المصنع 

-اعاده الضبط 

-مسح الكل 

واستأذن حضرتك 

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

 Samsung smart switch

http://www.samsung.com/eg/support/smartswitch/

فى حاله استمرار المشكله
برجاء التوجه لاقرب فرع لحضرتك من خلال الرابط الاتي
https://www.samsung.com/eg/support/service-center/

نتمنى حل المشكله عند حضرتك فى أقرب وقت ممكن و 

موجودين تحت أمرك وفى خدمتك فى أى وقت 

شكرا  لحضرتك ولوقتك