إلغاء
إظهار نتائج لـ 
البحث بدلاً من ذلك عن 
هل تعني: 

الموضوع الأصلي:

...

(أُنشأ الموضوع في: 09-05-2021 05:12 PM)
Ahmed1002003
Active Level 4
خيارات
اخرى
على فكرة بدون مبالغة ، بس سامسونج ك شركة ام لو عايزة تحافظ على سمعتها ، فا لازم تفكر بشكل جدي فالوكلاء بتوعها فالدول العربية وخصوصاً في مصر.

سامسونج مصر من اسوأ الناس اللي تتعامل معاهم بشكل عام ومن كل النواحي ، من ناحية عروض من ناحية اسعار من ناحية pre-order من ناحية ضمانات ، وحت اتفه حاجة وهي ال software updates اللي بتتأخر بشكل عجيب وبتحرق الأعصاب ، بل وإنهم بيعملوا skip لتحديثات كتير.

الموظفين كفائتهم متدنية جداً وعديمين الخبرة 👎🏼👎🏼👎🏼 ولما تتواصل معاهم واتساب ردهم يا اما بيبقى رد آلي ، يا اما يقولك اتوجه لاقرب مركز صيانة (اللي هو طب انتو لازمتكم ايه من الاول ما اطلع على مركز الصيانة وخلاص).
ولما تتصل على خدمة العملاء ، نفس الشيء موظفين خبرتهم ضعيفة جداً لدرجة ان الموظف مبيبقاش عارف الفرق بين التحديثات الرئيسية والتحديثات الامنية.

انا فمرة اضطريت اتواصل معاهم لحد ما طلبت منهم يحولوني على رئيس التيم بتاع سامسونج واشتكيت ان التحديث الامني لشهر ٧ اتاخر جداً وقالتلي خلاص يفندم هبعت ايميل للشركة ونشوف المشكلة دي )وتاني يوم بعتو التحديث لكل الاجهزة) وده ان دل على شيء فا ده يدل على انهم نايمين فمية المخلل ، بل وانها بتقولي ان التحديثات الامنية فمصر maximum بتقعد شهرين (واللي هي تعتبر المدة اللي بياخدها اي تحديث عشان ينزل حرفياً).

ممكن اكون انا ببالغ وبطلب حاجات مش بيطلبوها ناس كتير ، ولكن ده يظل حقي اني اخد نفس التجربة اللي بياخدها مثلا الي بيشتري موبايل من امريكا او كوريا او حتى السعودية.
مش لاننا فمصر والبلد كل حاجة فيها مش مرفهة للناس ، يبقى حتى سامسونج مصر تدي تجربة مستخدم سيئة جداً كده.
10 التعليقات
Sara-nader
Moderator
Moderator
خيارات
اخرى

مساء الخير يا أستاذ أحمد مع حضرتك ساره من سامسونج مصر

بنشكرك جدا على طرح سؤالك وبنتمنى لحضرتك يوم سعيد

فى البدايه بنعتذر لحضرتك جدا عن المشكله اللى واجهتك 

وبالفعل يا فندم

التحديث الأمنى ليس له موعد محدد ولا يشترط نزوله كل شهر 

قبل التحديث بيظهر لحضرتك فى شريط الاشعارات التحديث ده خاص بايه تحديدا 

فى حاله استمرار عدم نزول التحديث استأذن حضرتك فى تفعيل التحديث التلقائى 

ولو عندك أى استفسار أخر

هتلاقينا موجودين تحت أمرك فى أى وقت

شكرا لحضرتك ولوقتك

0 نقاط إعجاب
Ahmed1002003
Active Level 4
خيارات
اخرى
محنا لسا بنقول الردود الالية مش حلوة عشان تجيلي انتي بروحمك (:
0 نقاط إعجاب
S21Ultra55G
Active Level 5
خيارات
اخرى
كلامك مضبوط %١٠٠ و كنت لسه داخل أكتب لك
منتظر رد أستاذه سارة أو غيرها، لقيتهم كتبوا رد العمدة الآلى بتاعهم
S21Ultra55G
Active Level 5
خيارات
اخرى
وكيل سامسونج فى مصر فعلا مستواه حزين جدا، اللى هو احنا بنبيع مانجة بالكيلو و خلاص
Ahmed1002003
Active Level 4
خيارات
اخرى
بالظبط شيء محزن ، انا فانبوي لسامسونج وعندي اغلب منتاجاتهم من تلفزيونات وموبايلات وسماعات وساعات ، كل شيء تقريباً ، ولكن حاجة زي خدمة العملاء دي بتفرق فالتجربة ، ويعني بعد اللي الواحد يشوفه بصراحة ، انا شخصيا بدأت افكر بشكل جدي اني اشتري ايفون واكسر الايكوسيستم بتاعي بمقابل اني اخد تحديثات نظام مستقرة وبشكل دوري وبدون تاخير فظيع!
Fady22
Active Level 9
خيارات
اخرى
حته ردهم هنا الي
حافظين مش فاهمين
Ahmed1002003
Active Level 4
خيارات
اخرى
بالظبط للأسف ده سوء الخدمة اللي بتكلم عنه
0 نقاط إعجاب
Fady22
Active Level 9
خيارات
اخرى
ممكن اخد كلامك كوبي
Ahmed1002003
Active Level 4
خيارات
اخرى
اه اتفضل خد راحتك
0 نقاط إعجاب