Wifi calling

[mazen581997]

حد عنده معلومه امتا شركات الاتصالات هتدعم خاصيه الwifi calling؟ واصلا ايه اللي معطل الدنيا ما الخاصيه شغاله على خطوط وي في كل اجخزه سامسونج اللي بتدعم الخاصيه دي؟!

[tamim2022]

الأولوية لشركة وي
ثانيا الخدمة بتوصل تدريجيا للفونات كلها وهتاخد وقت طبعا عقبال ما تتعمم.

[mazen581997]

مش حاسس ان الموضوع اولويه وكدا لان بالفعل كل الشركات بتدعم الخاصيه دي بس ليه مش لسامسونج ما اجهزه صيني كتير اشتغل عندها والموضوع طول منهم بصراحه ومتعرفش المشكله عند شركات الاتصالات ولا سامسونج ومحدش عنده معلومه واضحه

[tamim2022]

لا وزارة الاتصالات لما اعلنت عن الميزة ديه اعلنوا انها هتبدأ مع وي الأول بعد كدة باقي الشركات زي خدمة فايف جي برضه وي الأول واي خدمة عموما .
زي بالظبط لما الشركات اعلنت ان الأولوية في الخدمة دي لاجهزة ايفون وهونر واوبو.

[mazen581997]

لا هي الخدمه من اول يوم اشتغلت في فودافون مع ووي واتصالات دا بالعكس اوبو لسه برضو عندهم نفس مشكلتنا مع سامسونج

[tamim2022]

لا في ناس من اوبو الخدمة اشتغلت معاهم شركة وي عادي جدا

[mazen581997]

مهو يا باشا قولنا وي دي شغلت الخدمه لكل الناس انا بتكلم هنا عن باقي شركات الاتصالات اللي عندها مشكله مع سامسونج واوبو

[tamim2022]

ما انا حضرتك بقولك انها اولوية انت بتقول لا تقدر تدخل ع صفحة وزارة الاتصالات وانت هتلاقي الخبر من زمان زي خدمة Volti وفايف جي برضه الأولوية لشركة وي الأول وفودافون وراها لانها شركة فيها حصة حكومية تتبع شركة وي.

[mazen581997]

هو حاليا زي ما قولت لحضرتك الخدمه شغاله فعلا في كل شركات الاتصالات ومن اول يوم مكنتش حصر على وي لكن الفرق ان وي شغلتها لكل اجهزه المحمول انما فودافون وباقي الشركات عندها مشكله مع سامسونج واوبو انما زي ما قولت لحضرتك لو حضرتك فودافون ومعاك فيفو مثلا هتلاقي الخدمه شغاله عادي ومن اول يوم

[tamim2022]

والله انا حضرتك قلتلك اللي انا اعرفه واللي الحكومة اعلنته ده مش من عندي وناس معاها سامسونج وخط شركة وي واشتغلت القصة مش مشكلة مع سامسونج خالص القصة ان الخدمة بتوصل تدريجي زي خدمة Volti اول ما نزلت والى الان ناس موصلتهاش الخدمة.
وفودافون شركة فيها اسهم حكومية .
ديه كل المعلومات اللي عندي.