يعني شركة وكيان عملاق بحجم سامسونج مش قادرين ينزلوا نسخة اندرويد .. ليهم فوق سنة بيتكلموا عنها لما صدعونا وقرفونا ب ui 7
و وقت ما الحمد لله قرروا أخيراً ينزلو النسخة تطلع ٣ او ٤ نسخ تجريبية للنظام فيها مشاكل .. حد يفهمهالي دي ؟؟!!
انا متفهم إنكم عايزين تبيعو الإصدارات الجديدة الأول .. تمام حقكم
بس انا واحد من الناس في ظل الظروف الإقتصادية بدل ما كنت بغير التليفون مع كل اصدار جديد بينزل بإنتظام
انا النهردة معديش أي نية أحدث التليفون إلا لو فعلا فيه ضرورة قصوى تخليني أعمل كدة ودا واقع فعلا
أو إن البديل الجديد هيقدملي قيمة أفضل وأكبر من اللي معايا وفعلا يستحق إني أدفع فيه فلوس و أبقى راضي عن المنتج
ولو فعلا دا حصل .. فمن وجهة نظري المتواضعة إن المبلغ اللي هيتدفع في فئة متوسطة في سامسونج
ممكن يتدفع في فلاج شيب في شركة تانية
فالحركات الغير مفهومة من سامسونج زي إن التحديث منزلش أو الإصدارات الجديدة نادرة في السوق أو مش موجودة أو حتى لو إتوجدت فأسعارها مبالغ فيها دي تخليكم تخسروا ولاء العملاء الحالين
لأن سياسة الإستهلاك وطريقة التفكير في الأولويات بدأت تختلف عند كتير من الناس
و أنا كمستخدم للأندرويد مش مقيد بيك زي مستخدم أبل
مثلاً .. اللي معندوش بديل و بدأ هو كمان يتنازل بالفعل عن أسطورة التفاحة
فحاولوا متخسروش إحترام وثقة و ولاء العملاء بسياسات غير مفهومة إنتم أكبر منها
