M31

[Janas_M31]

عندي مشكله في كاميرا موبايل

m31 الكاميرا ضبابية كده و مش بتظبط جربت اعمله اعاده للاعدادات متغيرش حاجه لو حد عنده حل شكرا مقدما 

[morashrqawy]

التيلفون اتبل او اتعرض للميه ؟!

[Amrali2]

معايا نفس الموديل بس عادي يعني مفهوش حاجه من كل ده الحمد لله

[morashrqawy]

هوا فونه غالبا اتبل او اتعرض لرطوبه غطت عدسة الكاميرا
قدامه حل من اتنين
الاول يروح التوكيل او محل تيلفونات يكون كويس ومحترم هيفك الفون ينشفه ويقفله كووويييس تاني
الحل التاني ودا حل هينفع بس مبرجحوش
انو يسخن ع الكام بالاستشوار هينشف الميه ومش هيضر بحاجه لانو الصيانه اصلا بيسخنو ب هوت عشان يفكو الفون
مبرجحش الحلا لتنو غالبا هيكون في ميه عند البورده و الاحسن تنشفها

[Janas_M31]

لا خالص

[morashrqawy]

طب اقراء الرد اللي فوق دا وجرب تسخن ع الكام ب استشوار

[Caesar_2020]

اعمل ضبط مصنع او روح التوكيل اكشف عليه

[Samah-Ahmed]

مساء الخير يا فندم مع حضرتك سماح من سامسونج مصر

بنشكرك جدا على طرح سؤالك وبنتمنى لحضرتك يوم سعيد

وبنعتذر لحضرتك جدا عن المشكله اللى بتواجه حضرتك 

أستأذن حضرتك فى اتباع الخطوات دى

1- نقوم بالدخول على الكاميرا

2- ثم الدخول على الضبط 

3_ نقوم بعمل اعاده ضبط لاعدادات الكاميرا

فى حاله استمرار المشكله 

يرجى عمل ضبط مصنع للجهاز عن طريق الخطوات الاتيه: 

- الضبط 

-الاداره العامه 

- اعاده الضبط 

-اعاده تعييين بيانات المصنع 

-اعاده الضبط 

-مسح الكل 

واستأذن حضرتك 

قبل البدء في هذه الخطوة, يرجى نسخ بيانات الهاتف.ويمكن تخزينها من خلال الرابط التالي الخاص ببرنامج

 Samsung smart switch

http://www.samsung.com/eg/support/smartswitch/

لو مازالت المشكله مستمره 

أستأذن حضرتك فى  التوجه لاقرب مركز صيانه  لحضرتك  للتمكن من فحص الجهاز

تقدر تتعرف على أقرب مركز صيانه من خلال  الرابط الاتي:
https://www.samsung.com/eg/support/service-center/

نتمنى حل المشكله عند حضرتك فى أقرب وقت ممكن

ولو عندك أى استفسار أخر

هتلاقينا موجودين تحت أمرك فى أى وقت

شكرا لحضرتك ولوقتك