Original topic:

Exynos 🧐 VS Snapdragon 💪

(Topic created on: 11-08-2020 05:56 PM)
99 Views
Moofy
Active Level 5
Options
اخرى
ازمة الفرق بين Exynos vs Snapdragon ملاحظ الفترة الاخيره كتير جدا بيتكلموا على الفرق بينهم وان فيه اللى بيشترى فون من برة بدون ضمان نهائى لمجرد انه يشترى ال Snapdragon وفيه اللى مقتنع ان Exynos بروسيسور ضعيف وانك بتشترى جهاز مش هيعيش معاك وكلام كتير عارفينه وغير الحرارة والبطارية ... الخ ... الخ !!! 🤔 اولا : الحقيقة ان من تجربتى ل exynos فى جهاز Galaxy S8 plus انا اشتريته اول منزل ف شهر ابريل 2017 والى انهاردة وهو الفون مهنجش معايا ابدا رغم انه 4 جيجا رام وطبعا الموضوع ده معتمد على حسن او سوء استخدامك للفون وده دليل ان البروسيسور كويس واستحمل معايا كتير جدا 💪. ثانيا : من البحث والمتابعة الكويسة جدا ومن استخدام اشخاص اعرفهم اتأكدت ان مفيش اى فرق بين Exynos و Snap نهائيا الا فى سنة 2020 فى ال S20 بانواعة و Note 20 العادى وال Ultra وفعلا فيه فرق فى الاداء لصالح Snap واستهلاك بطارية اقل ودرجة حرارة اقل بس الفرق بسيط اوى ومش معناه ابدا ان فيه مشكلة فىexynos الازمة كلها واللوم على سامسونج ان فيه فرق بين النسختين واللى هو بسيط وان المفترض ان بنفس التمن تكون النسختين زى بعض . ثالثا : بالنسبة لل Note 10 plus والعادى وعشان نقفل الكلام ف النقطه دى ومن استخدامى لنسخة exynos الاداء فوق الممتاز والجهاز طلقة وسلس بدون ادنى مشكلة والبطارية كويسة وبتكمل اليوم باستخدام طبيعى وبالبحث والمقارنة على النت مفيش فرق بين نسخة exynos و snapdragon سواء فى الحرارة او البطارية او الاداء ودليلى على دة من الرابط ده على يوتيوب / https://youtu.be/Ni0sCLDoPPs


رابعا : دليل على ان اداء Exynos سنة 2020 فى S20 بانواعة ممتاز بل يتفوق على iphone 11 pro Max وبيتنافس معاه فى ال Gpu بفارق بسيط جدا لصالح الايفون فى الجرافيكس من الرابط ده على يوتيوب / https://youtu.be/5Ot6ufCy3jg


** نهاية وملخص الكلام لو حضرتك بتشترى Note 10 plus او اقل مفيش اى فرق نهائيا يخليك تخاطر وتشترى نسخة Snap وتضيع الضمان اللى هيكون مهم جدا عن تجربة شخصية مع التوكيل . ** اما لو حضرتك ناوى تشترى S20 plus او S20 Ultra او Note 20 او Ultra فتأكد ان بروسيسور Exynos ممتاز جدا وهيديك اداء عالى زى اى فلاجشيب فى السوق بالاضافة لميزة الضمان المحلى . بس لو فى امكانك تشترى نسخة Snapdragon هيكون اكيد افضل بس بفارق بسيط فى الاداء وفارق بسيط فى الحرارة مش هتحس بيه فى الاستخدام العادى بالاضافة هتستفيد بميزة ال 12 جيجا رام بدل 8 جيجا المتوفرة فى السوق المحلى بس هتخاطر بفكرة ان مفيش ضمان محلى بالاضافة لتكلفة التصليح فى التوكيل هتكون اعلى وبعض قطع الغيار مش هتكون متوفرة ،،، اتمنى اكون وضحت وجهة نظرى بصورة كويسة 😌
image


3 Comments
MHRabea
Active Level 7
اخرى
هو الفرق بسيط فعلا بس الافضليه ل
snapdragon
😁😁
0 Likes
اخرى
طبعا من ناحية الاداء فالسناب دراجون افضل بحوالي ١٥ فى المية معالجات الاكسينونس بتعيش برده بس كفائتها بتقل شوية ومش بتبقى سريعة زى السناب دراجون بس بتقضى الغرض
وبعدين انا مش بحب لغة الارقام تماما انا اهم حاجة عندى الاداء الفعلى
Amira-elnagar
Moderator
Moderator
Options
اخرى

مساء الخير يا فندم مع حضرتك اميره من سامسونج مصر

بنشكرك جدا على مشاركتك معانا وبنتمنى لحضرتك يوم سعيد

ولو عند حضرتك أى استفسار أستأذنك توضحه

واحنا موجودين تحت امر حضرتك وفى خدمتك فى أى وقت 

شكرا لحضرتك ولوقتك