في البداية عايز اوضح ان الكلام ده مش خبر و مش معلومه منشوره في حته ده استنتاج او تحليل بنائآ علي الأتي :
في تغيير حصل في الهواتف السامسونج المباعه في مصر منذ بداية ٢٠٢١ ولا اعلم اذا كان مستمر حتي الان ولا رجع لوضعه الطبيعي والمتعارف عليه تاني التغيير ده بيقول او بيشير الي ان الوكيل او الوكلاء في مصر وهما خمسة خلال عام ٢٠٢١ ما جابوش الهواتف من الشركة الأم زي الطبيعي واتعاقدوا او جابوا الهواتف من دولة العراق لاسباب تتعلق بالربحيه خدوها بسعر اقل يعني عن لو من الشركة الام وطبعآ اتباعت لينا عادي يا ريتنا حتي استفادنا😀 .
قد اكون مخطئ في التحليل ده بس حد عنده تفسير للأتي
جميع الهواتف اللي شفتها متباعه من الوكيل الرسمي وبفاتورة ضريبية خلال عام ٢٠٢١ مكتوب في اختصارات مزود الخدمة في خانة شبكة الهاتف اختصار MID قبل مصر و MID هو رمز العراق في سوفتوير سامسونج بالاضافه انك لما تفتح الهاتف علي وضع الداونلود مود بيكون مكتوب شوية بيانات منها الشبكة اللي هيشتغل عليها الهاتف وفي هواتف ٢٠٢١ مكتوب
Carrier ID : MID
لما نقارن الكلام ده بالهواتف المباعه من نفس الوكيل حتي نهاية ٢٠٢٠ هنلافي ان كل الرموز السابقه سواء في مزود الخدمه او الداونلود مود هي EGY فقط
حاجه كمان في مواقع بتبحث عليها برقم سيريال الهاتف او بالرقم الفريد بيطلعلك معلومات عن الهاتف زي تاريخ صنع الهاتف ومتوجه لانهي دولة والشبكات اللي هيشتغل عليها نفس الوضع كل المعلومات دي كانت تشير الي مصر حتي اخر ٢٠٢٠ واتغيرت علي نفس المواقع دي لهواتف عام ٢٠٢١ الي
MEB يا تري ده تفسيره ايه ؟؟؟
الكلام ده انا استنتجته من منتصف ٢٠٢١ وحاليآ بربط بينه وبين الوضع الغريب والشاذ لهاتف A72 وتحليلي ومش لاقي غيره لان مفيش اي سبب تقني او فني او منطقي يمنع وصول التحديث للهاتف في مصر بعد ما وصل العالم كله وبعد ما وصل لهاتف اخر يحمل نفس المواصفات الفنيه A52 غير ان الشركة الأم بتحرج الوكيل المصرى مع المستخدمين في اغلي هاتف في الفئة المتوسطه قرصة ودن كا نوع من العقاب عشان اللفه اللي اتعملت دي ان وكيل يشتري من وكيل زيه لمجرد انه كان واخد عرض من الام بأسعار اقل لظروف معينه عنده في بلده والتحديث محجوب ايضآ عن العراق واكيد مش صدفه .
انا طبعآ متقبل فكرة اني اطلع غلطان لان الموضوع اصلآ اكبر من تخيلي😀 بس اللي يغلطني يشرحلي معني التغيير ده وايه اللي جاب رموز العراق في هواتفنا الجديده اللي تم بيعها خلال ٢٠٢١ .
ده اسكرين توضيحي للفكره والمقارنه بين هاتف ٢٠٢٠ وهاتف ٢٠٢١ شوف فرق الدوله والشبكه وشوف في اختصارات مزود الخدمة ايه MID دي .
