TypeAssist
لو انت من الناس الي بتكتب كتير علي التليفون فالتطبيق ده هيساعدك
⭐️⌨️
بيدمجلك نموذج للذكاء الاصطناعي٬ يساعدك بمجرد انك تكتب امر وينفذهولك وكل ده من الكيبورد بس وانت في اي مكان تاني
التطبيق مجاني بالكامل وتقدر تخصص أوامر
بالعربي والأنجليزي او اي لغة تانية وبحرية تامة
التطبيق تستخدمه في اي حتة واتساب٬ تليجرام٬ جيميل٬ واي مكان
ايه الميزات الي بيقدمها؟
بتقدر تضيف اي "API Key 🔑 "لاي نموذج ذكاء اصطناعي يعجببك
سواء منGemini, Cloudflare او غيره وممكن تضيف اكتر من اتنين وتبدل ما بينهم براحتك. التطبيق فيه شرح ازاي تقدر تجيبAPI Key وتضيفه٬ والموضوع سهل جدا ومش معقد.
لو حد سالك سؤال وانت مش عارف تجاوب٬ تقدر تكتب السؤال عندك وتستخدم الأمر المخصص٬ هيجوبك بشكل سريع ومباشر من غير اي إضافات في الكلام
لو بتكتب كتير وفي اخطاء املائية كتير او"Grammer typos"٬ عن طريق الأمر المخصص هيصححلك كل الاخطاء ويضيف علمات الترقيم ويخلي الكلام منظم٬ ومش بس كده ده كمان ممكن يخلي كلامك بالنمط الي يعجبك سواء"professional, friendly, polite"
تقدر تترجم اي كلام بسهولة من غير ما تحتاج ترجمة جوجل او العكس يترجملك كلامك للغة تانية
تقدر تنشئ الأمر الي يعجبك وتخصصه بحرية٬ والاجمل من كده لو في بالك حاجة ومعندكش ليها أمر تقدر تستخدم الأمر " ...طلبك/سؤالك..." وينفذه علي طول من غير لسة ما تروح تنشئ أمر جديد
ده غير انه فيه مزايا من غير نت زي انه يحسبلك معادلات٬ ينشألك باسورد قوي٬ يعرضلك الطوابع الزمنية٬ وفيه محفوظات تقدر تخصص أمر لما تكتبه يكتبلك مثلا رقم تليفونك او ايميلك الخاص بدل ما تفتكر إيميلك عبارة عن إيه
التطبيق حرفيا عبارة عن ذكاء اصطناعي مدمج معاك٬ يساعدك ويسهلك كتابتك ومفيد جدا يجاوبك عن اسئلتك في نفس مكانك من غير ما تحتاج تروح تبحث عنها🤩
التطبيق مش بيستهلك بطارية فمتخفش من الاستهلاك الزيادة
التطبيق آمن ومفيهوش تتبع ومش بيجمع اي معلومات عنك(server-less) غير أنه مفتوح المصدر(open-source)
التطبيق بيعتمد علي"Android Accessibility Service" عشان يقدر يشتغل بشكل كامل. ومش ضروري تديله السماحية أنه يتجاهل استهلاك البطارية(Unrestricted battery usage) هو شغال تمام من غيرها👌
وعن تجربة التطبيق مفيد جدا للناس الي فعلا بتكتب كتير او محتاج حاجة تسهله خدمات كتير. فيديوهات توضيحية من التطبيق في اول تعليق⬇️
متنساش لو جربته تقول رايك🤔. ولو محتاج مساعدة
اسئل براحتك
🫡
المطور: Ahmmed Soyeb
الاصدار الحالي: 3.4.4 (مستقر)
GitHub :لينك التحميل
(تم تحديث الرابط لاخر اصدار)
متوفر أيضا علي uptodown
فيديوهات من البرنامج
👏
👏
اهم ميزتين في البرنامج
🔥
🔥
حملت الملف؟
افتح اللينك وانزل تحت لحد ما تلاقي دي زي ما في الصورة ودوس عليها وحمله
افتح اللينك وانزل تحت لحد ما تلاقي دي زي ما في الصورة ودوس عليها وحمله
بقولك ى غالى النطبيق مش عايز يخش عشان تنل مدتهوش الصلاحيه ده و مش عارف اديهاله
فين التلات نقط او ينفع تصور الخطوات
