ياجماعة الخير السلام عليكم و رحمة الله و بركاته

[3lnota]

حد يقدر يفيدنى لو هحدث نوت اجيب نوت ١٠ بلس و لا نوت ٢٠ الترا 

و شكرا 

ملحوظة ياريت الافادة تكون عن تجربة عملية #

[elhawary]

هات نوت ٢٠ الترا بس ياريت نسخة معالج سناب دراجون تبأي كده فله

[NothingElseMatters]

كلامك مظبوط لكن النسخة العادية مشاكلها كتيرة زي التهنيج والسخونة
او تستنى الاس ٢١ اللي حيكون معاه قلم وكمان فيه مميزات النوت بس برضه المعالج لازم يكون سناب دراجون

[الفاشل٣]

نوت ١٠ بلس

[Artist8]

خليك فى الأحدث طبعا ... و متحاولش تجيب حاجة مش موجودة فى مصر ، بمعنى إذا كان الموجود هنا Exynos مش Snapdragon.. يبقى تجيب Exynos و متحاولش تجيب Snapdragon مز بره أو online لأن لو حصله حاجة مش هيبقى له ضمان، و ممكن حتى فى التوكيل ميرضوش يصلحوه حتى لو حسابك
،هو ال Exynos مشاكله الحرارة ، و أبطأ من Snapdragon فى الرسوم ، لكنه أسرع منه فى ال Single core ...

[Amira-elnagar]

مساء الخير يا فندم. مع حضرتك اميرة من سامسونج مصر
بنشكرك جدا علي طرح سؤالك
بناءا علي استفسارك نستاذنك  سامسونج بتنتج الكثير من موديلات بموصفات و مميزات اللي بتميزاها عن غيرها

للتعرف علي موصفات جهاز Note 10 plus  من خلال الرابط التالي:

https://www.samsung.com/eg/smartphones/galaxy-note10/

و للتعرف علي موصفات جهاز Note 20 ultra  من خلال الرابط التالي:

https://www.samsung.com/eg/smartphones/galaxy-note20/
لو فى أى سؤال تانى عند حضرتك ممكن توضحهولنا
هتلاقينا موجودين تحت أمرك فى أى وقت
شكرا لحضرتك و لوقتك