في فصل بايخ وحركة اقل ما يقال عنها انها حركة و س خ ة
اتعملت مع حد يعز عليا جدآ وبكره هتحصل معانا كلنا .
السكرين ده لهاتف مباع محليآ ومن كبريات السلاسل في بيع الاجهزة الالكترونية ومعاه فاتورة ضريبية سليمة من ثلاث ايام بالضبط
طبعآ اللي فاهم في السوفتوير عرف فين المشكلة واللي مش فاهم تبقي المشكلة ان الهاتف ده عليه السوفتوير الاماراتي وبالتالي غير متاح ليه تسجيل المكالمات مع انك شاريه يعتبر من التوكيل المحلي .
وللاسف ان مع صدور الهواتف اللي خارجه من علبها اندرويد ١١ لو حد غير السوفت المصرى اللي علي الهاتف مش بيعرف يرجع له تاني ولا حتي التوكيل ذاته بيعرف يرجعه وفي ناس معانه هنا شاهده علي فشل التوكيل نفسه في الرجوع للمصرى تاني ، فما بالك بقي لما تشترى من مصر ومش بضمان دولي ولا حاجه وتلاقي الهاتف معلهوش سوفت مصرى من الاساس .
طبعآ انا بالنسبه ليا وكتير منكم عارفبن راشك علي طول في السوفت الهندي ومليش دعوة بالمصرى من قريب او بعيد بس برضه الحركة منرفزه جدآ .
لازم نعرف الاتي
هتلاقي عندك في خانة مزود الخدمة رمز او اختصار لسوفتوير مجمع عليه اكتر من دولة علي سبيل المثال
OXM ODM OLM OJM OLE
كل رمز من دول يشمل اكتر من دولة بأستثناء الاخير .
غالبآ وحتي الان السوفتوير المصرى بيكون من ضمن مجموعة ال OJM لفئة الهواتف المتوسطة A & M
وفي مجموعة OXM لفئة الهواتف الفلاج S & Note
باقي الاختصارات👆 عليها دول اخرى .
مع صدور اندرويد ١١ اصبح هناك وضع جديد وهو التوجيه التلقائى لدولة بعينها في كل مجموعه بمعني انك لو حملت السوفت المصرى مثلآ فا معه حوالي ١٠ او ١٢ دولة اخرى وبعد ما تركبه وتيجي تفتح الهاتف تتفاجئ انه تم التحويل التلقائى وملهاش حلول للامارات او العراق حسب فئة الهاتف وعشان كده كان اللي بينزل حاجه غير المصرى مكانش بيعرف يرجع ولنفس السبب اللي كان بينزل الفيتنامي كان بيتحول للماليزي علي سبيل المثال .
في طريقة للتحويل بين الدول اللي موجودة بالفعل علي هاتفك يعني تقدر تتحرك بين دول المجموعه زي زمان قبل ما سامسونج ما تلغيها . وعشان تبقي عارف كان من زمان جدآ ولحد سنتين فقط في كود عادى جدآ دون استخدام اي تطبيق خارجي بتتحرك بيه بين دول المجموعه اللي عندك والكود ده اتوقف غير فقط علي مجموعة ال ODM اللي عليها الهندي والجماعه اللي مغيرين للهندي يقدروا يجربوه ويشوفوا معاهم ايه في المجموعة
نجمة شباك اتنين سبعة اتنين نجمة رقم IMEI الاول شباك
فوائد او اهمية الموضوع
١ - ان لو بكره اشتريت هاتف محلي ولقيته زي كده👆 .
٢ - خرجت من السوفت المصرى وعايز ترجع لأي سبب😇 .
٣ - شارى هاتف من بره وبالذات الخليج وعايز تشغل التسجيل ومش عايز تغير السوفت اللي عليه .
٤ - في مجموعة من المجاميع سابقة الذكر عليها دولة بعينها انت عايزها وبيتم تحويلك لغيرها ومش عارف توصلها .
طريقة التغيير
موقع samfw
اضغط علي الثلاث شروط اللي فوق هتلافي تطبيق اسمه
FRP Tool
حمل التطبيق انقلة علي كمبيوتر يكون عليه تعريفات يو اس بي سامسونج او نازل عليه سمارت سويتش ثم فك ضغط التطبيق . افتح من اعدادات المطور تصحيح اخطاء يو اس بي .
وصل الهاتف بالكمبيوتر افتح التطبيق هيظهر معاك ان التطبيق شاف الهاتف
من الزراير اللي فوق في التطبيق في زر مكتوب عليه adb جواه هتلاقي زر مكتوب عليه change csc اضغط عليه
هتظهرلك رسالة بعمل الاتي والضغط علي تم عند الانتهاء
وهو الهاتف متوصل زي ما هو تدخل علي قايمة الاختبارات عن طريق الكود نجمة شباك صفر نجمة شباك اول ما الفايمة تفتح اضغط علي تم اوdone في التطبيق
هتظهرلك قايمة فيها كل الدول اللي موجوده بالفعل علي هاتفك اختار البلد واضغط ok
التطبيق هيشتغل شوية وتتطلعلك رسالة تم تغيير البلد csc بنجاح افصل الكابل واعمل اعادة تشغيل للهاتف هتلاقيه اتحول علي الدولة المختارة بكل خصائصها المتاحه ليها .
سكرين من تحربتي الشخصية عشان اللي عايز يتأكد
ده هاتف خارج ١١ كان عليه الماليزي والتطبيق طلع الثلاث دول المتاحين علي المجموعه اللي علي الهاتف واتحول للفيتنامي بنجاح .
الكلام ده هيحل مشكلة كبيره وبالذات للاجهزة الحديثة .
والكلام ده ملوش علاقة بمنشور السوفتوير انت كده مش بتغير حاجه انت فقط بتتحرك بين المتاح ليك بالفعل .
