نصيحة لمستخدمين سامسونج

[Anonymous]

ما ينفعش هاتف يكون امبارح ب ٧٠٠٠ جنيه مصرى تاني يوم الصبح يبقي ب ١٠٢٠٠ جنيه بنسبة زيادة قدرها ٤٥% 

لو هنفترض جدلآ ان ال ٧٠٠٠ جنيه مفيهمش مكسب مستورد ومفيهمش مكسب وكيل ومفيهمش مكسب تاجر ولا فيهم ضرائب الي اخره وكلهم دولار فقط فا لازم تعرف ان الدولار الجمركي تم تثبيته علي ١٦ جنيه يعني زاد ٤٠ قرش عن اخر سعر له والدولار الاستيرادي زاد بنسبة ٢٢% 

ال ٤٥% دي جت منين بقي😡

قيمة هواتف سامسونج وبالذات من الفئة المتوسطه لا تساوي هذا المبلغ بأي حال من الاحوال .

خبراء الاقتصاد بنصحون في مثل هذة الفترات بالاتي :

١ . لا تشترى السلع الكماليه او الفاخرة 

٢ . لا تشترى السلع التي ارتفع سعرها كثيرآ عنقيمتها الحقيقيه

٣ . لا تنجرف وراء عروض التقسيط 

خلي بالك من رقم ٢ عشان دي اهمهم لان لو مشيت معاهم علي كده هيفضل السعر ده بعد ما الازمه تعدي ويصبح هو ده السعر السوقي الطبيعي للمنتج .

اللي بيشترى دلوقتي بيضر نفسه وبيضر كل الباقيين لو محدش اشترى او علي الاقل الجزء الاكبر من الناس ٦ شهور فقط السعر هينزل كتير حتي لو الدولار مانزلش .

[farid331010]

يا ريت الناس تتفهم ده... وتمتنع عن الشراء وخلى المحلات تمسح التراب من على علب الأجهزة كل يوم ويبطلوا استغلال

[Anonymous]

والله يا ريت فعلآ 👍
استغلال غير طبيعي للازمه
و وعينا ده لو عندنا هيفرق كتير

[القرشى]

أنا عن نغسى معايا A70 من أول إصداره فى السوق وعاهدت نفسى عدم تغيير الهاتف إلا بعد آخر أندرويد يتم إطلاقه للهاتف وهو أندرويد 11 وقدوم هواتف جديدة بأندرويد 12 ولكن بعد ماحدث فى سوق الهواتف من فوضى فى الأسعار قررت أن أستمر مع هاتفى بأندرويد 11 حتى يتبين الخيط الأبيض من الخيط الأسود من الأيام التى نعيشها الآن .

[Anonymous]

كلام محترم 👍

[KarimMohammed]

نفس الكلام اللي اتنبح صوتي وانا بقوله كل يوم
الدولار الجمركي ١٦ جنيه
بس التجار حرامية جشعة اللهم انتقم منهم شر انتقام

[Anonymous]

كلامك سليم
وياريت يبقي عندنا الوعي ده عشان الاسعار دي ما تستمرش

[AlyS]

كلام محترم جدا يا أستاذ رامي

[Anonymous]

تسلم يا استاذ علي
اشكرك

[AhmedAbdeldayem]

I phone prices increased dramatically in the last period too. Samsung is still a decent company compared to apple's prices