مكالمات الواي فاي

[tamim2022]

يا جماعة الخير موضوع مكالمات الواي فاي اللي عامل قلق للناس كلها مش عارف ليه لازم بس تبقوا عارفين أولا : الخدمة ديه شغالة برة مصر من ٢٠٠٦ تمام كدة ولسة واصلة مصر للاسف اليومين دول عقبال ما شبكات النت تم دعمها وتهيئتها والكلام ده.

ثانيا: اي حد هيدخل هيبحث بشيء من التركيز هيلاقي ان اي فون فور جي او فايف جي بعد ٢٠١٣ تقريبا بيدعم الميزة ديه المشكلة ان الشرق الأوسط بينزلوا نسخ مختلفة في شوية حاجات عن نسخ أمريكا وأوروبا والخليج العربي خاصة الإمارات بينزل عندها كل النسخ فهتلاقوا اختلاف في الأوبشن زي ما بيبقى في اختلاف في السوفت وير كدة حسب النسخ اختلاف.

ثالثا: الخاصية او الميزة ديه بتشتغل تلقائي جدا وأتوماتيك بدون أي اعدادات ولا ضبط في جهازك مادام جهازك بيدعمها وتقدر تعرف ده من موقع سامسونج أو الشركة اللي منها فونك الخاصية ديه أوبشن مخفي بتتفعل بمجرد تشغيل الخدمة من الشركة اللي خطك عليها وملهاش أي علاقة نهائي بتحديث الفون بدليل ان في فونات ٢٠١٧ شغال عليها الخدمة وتم ايقاف تحديثاتها.

رابعا: الخدمة مش شيء جوهري بالمرة لانها بتعتمد في الأول والأخير على كفاءة النت والخط الأرضي عندك عشان تديك أفضل صوت واستخدام.

شكرا،وتقبلوا تحياتي.

[adel918]

كلام سليم والله ماتفرق ولأ هتقدم بأى جديد

[tamim2022]

خالص والله لانها مرتبطة بالنت الأرضي .

[adel918]

كلامك عين الصواب بس لأزم نعمل ضجة على مفيش
والله كله إستهلاك من باقة النت وعموما شبكات المحمول بكل أنحاء الجمهورية وكفاءة عالية

[tamim2022]

هو بس عشان الموضوع جديد عندنا والناس بتبقى عاوزة فونها يدعم كل حاجة وبصراحة معاهم حق لان الأسعار انت شايف بقت عاملة ازاي ليهم عذرهم.

[adel918]

كلامك واقع وحقيقى مع كل الشكر والتقدير

[tamim2022]

تحياتي لحضرتك

[Maged95]

احسنت يا صديقي

[tamim2022]

تحياتي ليك