إلغاء
إظهار نتائج لـ 
البحث بدلاً من ذلك عن 
هل تعني: 

الموضوع الأصلي:

معلومة مهمة

(أُنشأ الموضوع في: 05-26-2021 04:16 PM)
RamyELGammal
Expert Level 5
خيارات
اخرى
جالي سؤال امبارح من زميل عزيز عن Fcc اللي موجوده في حول الهاتف وليه في تليفونات فيها وتليفونات لأ ولما دورت ورا الموضوع طلع الاتي :

رجاء اقرا براحه كده ولحد الاخر عشان الموضوع مهم ومرتبط بالصحه

ال Fcc دي طلعت شهادة من هيئة اتصالات فيدراليه في الولايات المتحده الامريكية بيتم منحها للتليفونات او حتي لاجهزة تانية فيها ارسال واستقبال بعد تجربتها وقياس نسبة الاشعاعات او الموجات الضارة اللي بتنبعث منها علي الانسان وخاصتآ منطقة الراس المخ يعني .
المفروض عالميآ ان الحدود المسموح بيها ان لا يتعدي اي تليفون نسبة المنبعث منه عن 1.6 Kg/W والهيئة اللي قلنا عليها دي مش بتمنح شهادة الاعتماد لاي جهاز غير لو نسبة المنبعث منه اقل من وحدة القياس دي والا يصبح غير صالح للاستخدام الادمي .
وحدة القياس دي او الموضوع ده كله يندرج تحت مصطلح SAR
اختصار Specific Absorption Rate عشان اللي عايز يدور علي معلومات اكتر .
يبقي كل ما يكون رقم ال SAR اقل يصبح الضرر اقل بس برده في ضرر فا بلمره اقولكم النصائح اللي لقيتها بخصوص الموضوع ده ممكن تفيد حد :
زمن مكالمة متواصله لازم ما يعديش ٣٠ دقيقه
وفي خلال النص الساعه لازم تبديل التليفون من الاذن الشمال لليمين وهكذا كل خمس دقايق
قدر المستطاع وقت المكالمات استخدام السماعه السلكيه
وهو التليفون علي الشاحن او و البطارية فارغه بيكون اعلي SAR للتليفون فا يجب عدم التحدث في الحالتين دول طبعآ قدر المستطاع
وقت التحدث يجب ان تكون اقل مسافة مسموح بيها بين اذنك والهاتف هي نصف سنتي
في غير اوقات الاستخدام يكون التليفون بعيد عن جسمك او جيبك 
معلومة طبية اخيره ان التأثير الضار علي المخ وطبعآ فاهمين قصدي اللهم ما احفظني بيظهر بعد فترة من ٥ الي ١٠ سنين .

شوية ملاحظات محتاجه بحث او اجابة :
دلوقتي التليفونات اللي مفيهاش الشهادة دي وضعها ايه !!!
حاجه تانيه بعد البحث طلع في كود *#07# النجمة الاول شباك صفر سبعه شباك 
التليفون بيطلعلك رقم ال SAR بتاعه طلبت من الزملاء هنا يدوني نتيجه للكود وكل اللي علي السوفتوير المصرى طلعله ان الكود خطاء في حين اني عشان انا علي روم هندي طلعلي الناتج وهرفقه في المنشور يبقي السؤال هل مقفولة في السوفتوير المصرى عشان السوفت هو المتحكم في عمل المودم وبالتالي نسبة الاشعاع ولا قافلينه ليه علي مصر !!!
وهل لو السوفت بيتحكم في الموضوع يبقي كده لازم الكل يغير لسوفتوير تاني !!!
في موقع لسامسونج نفسها بتختار منه بلدك وتليفونك وبيطلعلك رقم ال SAR بتاعه طبعآ مصر مش موجوده اصلآ والدولة العربيه الوحيده الموجوده هي الجزائر ليه برده !!!
ولو بحثت عن تليفونك في دولة تانيه بيديك خطاء لاختلاف الموديلات بين الدول .
الغريب واللي مش مفهوم برده ان ال ام ٣١ وال ابه ٥٠ اقل ضرر وبكتير من ال ايه ٧١ ده بالنسبة للي دورت عليه !!!
افضل تليفون لسامسونج من حيث انه اقل اشعاع طلع النوت ٢ ويليه النوت ٨
اسواء هاتف علي مستوي العالم بالنسبة لل SAR طلع 
Realme x3
Realme 6 pro

الموضوع مش بسيط ومحتاج ان الكل يبحث وراه .

image



22 التعليقات
IME2020
Active Level 7
خيارات
اخرى
كلام محترم والله وجميل ربنا يباركلك والله👍👍👍👍 هو اساسا في فيديو ع صفحتي منزله بخصوص
sar دا لو حابب تشوفه
تاني حاجه هي صوره دي من فون اي
وتتوقع مثلا لما جبنا تلفونين هيطلعو نفس الارقام هههههه
RamyELGammal
Expert Level 5
خيارات
اخرى
اه طبعآ احب اشوفه
يا تبعت لينك يا تقولي اسم المنشور
الصوره من ام ٣١ وزي ما وضحت انت امبارح قلتلي الكود مش شغال وزمايلنا بتوع ال ام ٣١ يعني نفس الفون برده مش شغال عندهم
بالنسبة لسؤالك معنديش رد غير لما نفهم السوفتوير لبه علاقه في الموضوع ولا ايه
IME2020
Active Level 7
خيارات
اخرى
RamyELGammal
Expert Level 5
خيارات
اخرى
اتفرجت
وده بالضبط اللي بتكلم عليه علي موقع سامسونح
بس كان المفروض يقول ان كل ما ال SAR
يزيد يبقي فيه خطوره علي الصحة مش يبقي الشبكة اضعف انا دي مسمعتهاش قبل كده
علي افتراض بقي ان العلاقة صح يبقي معني كده ال ام ٣١ شبكته افضل بكتير من ايه ٧١ مع ان ده سناب وده اجزينوس اقل منه 😇😇
IME2020
Active Level 7
خيارات
اخرى
بصراحه مش جربت اجزينوس قبل كدا ومش عارف هل فعلا دا له علاقه بالشبكه ولا لا
IME2020
Active Level 7
خيارات
اخرى
انا دورت امبارح ع بديل الرقم كود دا مش لقيت بصراحه
0 نقاط إعجاب
RamyELGammal
Expert Level 5
خيارات
اخرى
المنطقي بيقول ان السوفت ملوش علاقه بس دي مش معلومة بالنسبالي ده استنتاج من شواهد زي مثلآ ان المواقع المحترمه وهي بتقييم او بتشرح تليفون في الاخر كده بعد معلومات اابطارية بقولك رقم ال
SaR value
بغض النظر عن السوفت اللي عليه
Samah-Ahmed
Moderator
Moderator
خيارات
اخرى

@RamyELGammal

مساء الخير يا رامى

مع حضرتك سماح من سامسونج مصر

بنشكرك جدا على مشاركتك معانا

وبنتمنى لحضرتك يوم سعيد

ولو عندك أى استفسار 

هتلاقينا موجودين تحت أمرك فى أى وقت

شكرا لحضرتك ولوقتك

0 نقاط إعجاب
RamyELGammal
Expert Level 5
خيارات
اخرى
الاستفسارات كتير عند حضرتيك في المنشور لو تعرفي تردي عليها يبقي كتر خيريك والله