اتكعبلت في معلومة اعتقد هتكون مفيده لناس كتير وفي نفس الوقت معلومة غير منتشره .
من الضبط / حول الهاتف / الحالة / حالة الشريحة
هتلاقي جواها ان الاندرويد بيقيس قوة الاشارة بتاعة الشبكة
لغاية هنا ناس كتير عرفة المعلومة دي
الجديد بقي هو معني القراءة او القياس ده ومقدار تغيرها الشديد
وهنا هتكون الاستفاده انك تعرف اقوي مكان فيه اشارة بالارقام وطبعآ كل ما فترة الاستخدام هتزيد في مكان جيد الاشارة هيكون الاداء من حيث صوت المكالمة او سرعة النت او توفير الطاقة هيكون افضل .
ولو بتسيب التليفون مفتوح طول الليل او فترات طويله يبقي سيبه في اقوي مكان فيه اشارة وشوف البطارية هتفرق اد ايه .
افتح العداد ده واتنقل جوه نفس الغرفة وشوف مجرد تغيير الاتجاه بيفرق اذاي في قوة الاشارة ما بالك بقي من غرفة لغرفة .
مرفق جدول بمعني الاشارة وكام تبقي جامده وكام تبقي ضعيفه ومرفق تجربتي انا الشخصية داخل نفس الشقة اللي هي مش كبيره وفي
وسط البلد وشبكة فودافون اللي المفروض انها افضلهم شوفوا التفاوت الكبير بين ارقام الاشارة في كام متر .
طبعآ انا من هنا ورايح راشك في الحته اللي اديتني ٧٦ دي
الرقم اللي بالسالب كل ما ينقص يبقي افضل وكل ما يزيد تبقي الشبكة اضعف الرقم التاني عكسه كل ما يزيد افضل وكل ما يقل اسواء
يا ريت يكون حد استفاد غيري 😀
