Original topic:

معلومة عن سوفتوير الهاتف

(Topic created on: 01-02-2024 10:18 PM)
1023 Views
RamyELGammal
Active Level 9
Options
اخرى
للناس اللي بتفكر تغير ال csc عشان توصل لتحديث متأخر عليها بس نزل في دولة اخرى او لتشغيل خدمة زي تسجيل المكالمات وغير متاحه عندها :

تغير ال csc بشرط عمله بطريقة سليمه ليس له اي اضرار علي الهاتف او علي تطبيقات النوكس ( مجلد آمن او سامسونح باس ) او علي استقبال تحديثات في المستقبل هوائية انت بالتغير بتتنقل بين سوفتوير سامسونج الرسمي فا مفيش اي مشكلة في كده .
الفكرة في ايه الدول المتاحه ليك وده اللي ببحدده حاجتين :
فئة هاتفك زائد نوع السوفتوير المجمع اللي علي الهاتف .

في الهواتف الرائدة تقريبآ اغلب دول العالم متاحه علي سوفت مجمع واحد يمكن بأستثناء امريكا والصين فا التغيير بيكون له اختيارات كتيره انما في الفئات المتوسطه والاقتصادية من عائلة ال A و ال M بيكون الدول متقسمه بالمنطقة .

في معلومات السوفتوير اللي من حول الهاتف هتلاقي رمز من ثلاث حروف وده رمز للسوفت المجمع اللي نازل علي الهاتف وبالتالي انت مجبر علي التغيير بين دوله فقط .
بعض الامثله للرموز دي
ojm وده اللي عليه مصر ومعاها الدول العربيه واسرائيل ودول شمال افريقيا بعض دول افريقيا وباكستان
oxm وده عليه الدول الاوروبيه
odm وده عليه الهندي ونيبال وسريلانكا
olm فيتنام ماليزيا تايلاند فلبين
ole اندونيسيا
oyn و oym امريكا
oyv كندا 

image



فا ماينفعش تكون مثلآ داخل مجموعة ال ojm وتحول لدولة اوروبيه لكن عشان تعرف تحول ليها يبقي لازم تكون الاول متواجد داخل مجموعة ال oxm وهكذا حسب الرغبة .

معني كده انك غير متاح ليك التحويل غير للدول اللي متواجدة معاك في نفس السوفت المجمع .

اللي محتاج يحول ال csc الي دولة خارج مجموعته لازم ينزل السوفت كامل بأستخدام كمبيوتر وأودين طبعآ ده لو المجموعة دي متاحة للموديل بتاعك ثم يبداء بالتتقل بين دولها عن طريق تغيير ال csc فقط ساعتها . 


اللي محتاج طريقة تغيير السوفت بالكامل ده كان منشور قديم وفيه شرح مبسط

MoAnwar
Active Level 3
اخرى
طيب انا جايب موبايل من السعودية وهوoxm ?
0 Likes
RamyELGammal
Active Level 9
اخرى
فين السؤال في كده ؟
0 Likes
MoAnwar
Active Level 3
اخرى
مهو انت كاتب ان oxm ده عليه الدول الاوربية
فانا كنت بفكر اغيره لمصر عشان تسجيل المكالمات
وانت كاتب ان مصر تبع ojm
واللي فهمته ان مش هينفع اغير الا بين الدول اللي تبع نفس الكود
0 Likes
RamyELGammal
Active Level 9
اخرى
كده يبقي حضرتك فاهم صح
بس ده بيخص الفئات المتوسطه والفئات الاقتصادية
الفلاح شيب مكتوب برده ان وضعه مختلف واغلب دول العالم تقريبآ علي سوفت مجمع واحد اللي هو
oxm
0 Likes
MoAnwar
Active Level 3
اخرى
طيب تمام
هل في بقى طريقة اغير بيها ال csc لمصر من غير ما يكون في خطورة على الجهاز
0 Likes
RamyELGammal
Active Level 9
اخرى
في اداة علي موقع
samfw
ملهاش اي ضرر علي الهاتف
0 Likes
MoAnwar
Active Level 3
اخرى
انا جربت انزلها الجهاز عندي مسحها على انها virus
0 Likes
RamyELGammal
Active Level 9
اخرى
لا تقلق ده بيحصل مع الكل
وهو شارحلك انك لازم تعطل اولآ برنامج الفيروسات عندك
0 Likes
Elhmdllah
Active Level 6
اخرى
يعني انا نفسي اجرب الروم الروسي بس لما بنزله بلاقي الهاتف اتحول للغة غريبة فعشان كدة برجع للمصري او الهندي
فهل لو عملت طريقتك هقدر انزل الروسي كامل وكمان اعمل تسجيل مكالمات فيه ولا ايه ؟؟
0 Likes
RamyELGammal
Active Level 9
اخرى
السوفت الروسي يدعم اللغة العربية عادي

لا يمكن تشغيل تسجيل المكالمات علي السوفت الروسي بأي طريقة كانت

الطريقة اللي في اللينك اللي فوق مضمونه لعمل سوفتوير كامل