Original topic:

معلومة عن سوفتوير الهاتف

(Topic created on: 01-03-2024 07:44 AM)
332 Views
RamyELGammal
Active Level 8
Options
اخرى
للناس اللي بتفكر تغير ال csc عشان توصل لتحديث متأخر عليها بس نزل في دولة اخرى او لتشغيل خدمة زي تسجيل المكالمات وغير متاحه عندها :

تغير ال csc بشرط عمله بطريقة سليمه ليس له اي اضرار علي الهاتف او علي تطبيقات النوكس ( مجلد آمن او سامسونح باس ) او علي استقبال تحديثات في المستقبل هوائية انت بالتغير بتتنقل بين سوفتوير سامسونج الرسمي فا مفيش اي مشكلة في كده .
الفكرة في ايه الدول المتاحه ليك وده اللي ببحدده حاجتين :
فئة هاتفك زائد نوع السوفتوير المجمع اللي علي الهاتف .

في الهواتف الرائدة تقريبآ اغلب دول العالم متاحه علي سوفت مجمع واحد يمكن بأستثناء امريكا والصين فا التغيير بيكون له اختيارات كتيره انما في الفئات المتوسطه والاقتصادية من عائلة ال A و ال M بيكون الدول متقسمه بالمنطقة .

في معلومات السوفتوير اللي من حول الهاتف هتلاقي رمز من ثلاث حروف وده رمز للسوفت المجمع اللي نازل علي الهاتف وبالتالي انت مجبر علي التغيير بين دوله فقط .
بعض الامثله للرموز دي
ojm وده اللي عليه مصر ومعاها الدول العربيه واسرائيل ودول شمال افريقيا بعض دول افريقيا وباكستان
oxm وده عليه الدول الاوروبيه
odm وده عليه الهندي ونيبال وسريلانكا
olm فيتنام ماليزيا تايلاند فلبين
ole اندونيسيا
oyn و oym امريكا
oyv كندا 

image



فا ماينفعش تكون مثلآ داخل مجموعة ال ojm وتحول لدولة اوروبيه لكن عشان تعرف تحول ليها يبقي لازم تكون الاول متواجد داخل مجموعة ال oxm وهكذا حسب الرغبة .

معني كده انك غير متاح ليك التحويل غير للدول اللي متواجدة معاك في نفس السوفت المجمع .

اللي محتاج يحول ال csc الي دولة خارج مجموعته لازم ينزل السوفت كامل بأستخدام كمبيوتر وأودين طبعآ ده لو المجموعة دي متاحة للموديل بتاعك ثم يبداء بالتتقل بين دولها عن طريق تغيير ال csc فقط ساعتها . 


اللي محتاج طريقة تغيير السوفت بالكامل ده كان منشور قديم وفيه شرح مبسط

25 Comments
ELfnnan
Active Level 8
اخرى
معلومات روعة يا هندسة
RamyELGammal
Active Level 8
اخرى
تسلم يا فنان
ArwaNasreddin
Active Level 6
اخرى
شكرا جزيلا.
RamyELGammal
Active Level 8
اخرى
عفوآ
sasabest
Active Level 4
اخرى
بجد تمام
a7medeh2b
Active Level 6
اخرى
طيب انا دلوقتي تبع مجموعة ojm لو حولت السوفت كامل لدولة الهند هيشتغل عادي
RamyELGammal
Active Level 8
اخرى
ايوه هيشتغل عادي في حالة ان الموديل بتاعك بينزل في الهند
0 Likes
AhmedBico
Active Level 5
اخرى
احسنت
RamyELGammal
Active Level 8
اخرى
اشكرك
0 Likes