مشكلة M30s (بوست 3)

[Mohamed_Salama]

الواحد وهو بيقرر يجيب موبايل بيكون قدامه كذا اوبشن شركة (ريلمي؛ شاومي؛..) لكن تلاقي الناس ساعات تقول سامسونج عشان الاعتمادية و خدمة ما بعد البيع و الكلام ده؛ وده كان ماثر فيا جدا لما قررت اجيب موبايل من 4 شهور كان سامسونج m30s.
بعد 3 شهور من الاستخدام بدا يظهر مشاكل كتير في دايرة الشحن بتاعت الموبايل (الموبايل بقي بيقعد 7 ساعات عالشاحن عشان يشحن)؛ وديته يوم 3/5 -من شهر تقريبا- الضمان عشان يتصلح حاولوا يلبسهوني كعيب مستخدم لحد اما ضغطت عليهم من خلال حماية المستهلك وعملت شكوي؛ وبعد 10 ايام من العناء قالولي هنصلحه تبع الضمان؛ ولما استلمته لقيت نفس العيب و الموبايل متجرح من الضهر ولما قولتلهم لقيت اسلوب قذر في الفرع ورجعتلهم تاني لما اكتشفت ان العيب لسه موجود و الموبايل لسه عندهم لحد انهارده ومش عارف اخد معاهم حق ولا باطل وقدمت شكوي و الشكوي عماله تاخد 24 في 48 ساعة و مماطلة الدنيا و الاخرة؛ حقيقي خدمة ما بعد البيع حاجة ذي الزفت و القرف و السيستم معليهوش كل البيانات ولا خمستلاف مكالمة عشان اطلع بمعلومة من موظف خدمة العملاء واقعد احكي لكل موظف قصة حياتي عشان يدرك مشكلتي واخد منه معلومة مفيدة؛ وكل زيارة للفرع بتحرق الدم اكتر من اللي قبلها وبلاقي مشاكل اكتر !
والله لو كان معايا فلوس اجيب موبايل جديد لكنت رميت ده ولا بيعته و خسرت فيه حتي!!
بجد تجربة ذي الزفت و غالبا ده اخر تعامل مع الشركة ديه .. !! 
واما اشوف مشكلتي اللي بقالها شهر وانا بعاني ومش عارف استخدم موبايلي ديه هتوصل لايه !! 
ياريتكو تاخدوه و ترجعولي فلوسي والله !!!!

[SaqrR]

انت بتفكر بصوت عالي والحقيقة حتى انا ماقريت رسالتك

[Mohamed_Salama]

افضل ليك وليا فعلا

[naifsrt8]

المشكله ف السعوديه ماعندنا شركات مثل شاومي ون بلس ولا كان سحبت على سامسونج انتم بمصر عندكم الشركات الي قلتها

عل عموم نفس مشكلتك حصلت معي بجهاز A71 مايشحن فجاءه وديته الصيانه على أساس يصلحونه على الضمان لكن تفاجاءة انهم قالو بتدفع والجهاز عندهم وانتظر متى يدقون ويقلون السعر

[Mohamed_Salama]

لا حضرتك اعمل شكوي من خلال خدمة عملاء سامسونج !! 
لان اللي طلب منك فلوس ده وكيل الشركة وهم نصابين و علي طول بيعملوا كده .. !
فحضرتك قدم شكوي ان مفيش عيب منك .. لانهم في الاول قالولي ان الموبايل فيه سائل دخل فيه ؛ فقدمت شكوي ان لأ وده عيب من عندهم فرجعوا اعتذرولي و صلحوه علي حسابهم

[phantom2]

هذه مشكله مزمنه!

[Mohamed_Salama]

المشكلة المزمنة هي التعامل مع خدمة عملاء بسوء مستوي موظفين سامسونج في مصر هنا للاسف

[AHMED225]

شاريه من ٣ شهور مثلك لكن الحمد لله تمام

[Mohamed_Salama]

وان شاء الله يفضل تمام علي طول 
شكرا لمشاركتك ,,,