انا شاركت بوست هنا يوم التلات اللي فات بخصوص مشكلتي واني جايب موبايل M30s من 3 شهور وكانت مشكلتي ان الموبايل فجأة مكان الفتحة بتاعت الشحن مش بيقبل الشاحن و بيعلّق لما بحطه عالشاحن؛ ولما بيشحن بيقعد فترة طويلة جدا -6ساعات عشان يشحن 100%- ..و اتوجهت للتوكيل في عين شمس اللي في شارع احمد عصمت وان يوم التلات اللي فات بكلمهم يقولولي عيب مستهلك و مطلوب 400 جنيه تصليح مع العلم موبايلي بعيد تماما عن السوائل و مفيهوش خدش(محافظ عليه جدا) و باكد ان الموبايل يبدو انه سئ جدا و السبب في كده تكون رطوبة في الجو لان الواضح ان الماتريال المستخدمة سيئة جدا و تقفيل الموبايل وحش !!! ردت استاذة من خدمة العملاء"سارة" علي البوست وقالتلي اسيب بياناتي و للاسف لما تم التواصل معايا مش لاقي غير مزيد من المماطلة و تضيع الوقت و مشكلتي مش بتصلح و مفيش التزام بالمواعيد ولما اكلمهم يقولولي استني 24 ساعة و محدش بيكلمني (جصل اكتر من 3 مرات) ! انا احالت المشكلة لحماية المستهلك؛ مش معقول اكتر شركة بتحط سعر لخدمة ما بعد البيع تكون خدمة ما بعد البيع عندهم بالسوء و المماطلة وتضيع الحقوق كده ! رقم الموبايل المسجل عليه طلب الصيانة : 01120781089 رقم الايصال: 3482370
*تعديل: تم التواصل معايا من جانب الشركة و قالولي ان الجهاز هيتصلح علي الضمان؛ و اتصلت بيا بنت من الوكيل تتابع معايا شكوة حماية المستهلك و ان شاء الله مشكلتي تتحل خلال يومين. شكرا للجميع ,,
انا متعجب ان سامسونج اكبر شركة وافضل شركة خدمات ما بعد البيع بتعمل كدا مع الناس. مينفعش الي بيحصل دا.انتوا كدا يا ممثلين سامسونج بتبوظوا سمعة الشركة .لازم تهتموا بالعملاء اكتر من كدا شوية.وانا مرضاش اني اسمع كلام زي دا علي شركة زي دي بالمنظر دا.وارجوا المراعاة قليلا
