اشتريت موبايل سامسونج A71 من حوالي سنة وكام شهر من فرع سامسونج الي في شبين الكوم المنوفية الي قصاد الكنيسة.. المهم اني بعد ما اشتريته يومين تلاتة ولقيت الشاحن مابيشحنش .. افتكرت ان المشكلة في الشاحن .. اشتريت واحد قولت مش مشكلة .. بعد ما اشتريت واحد لقيته مابيشحنش برده .. رجعته الموبايل الstore بعد ماكشفوا عليه قالولي المشكلة في سوكت الموبايل نفسه أفتكرت انهم هيبدلوا الموبايل لانه لسه مابقلهوش يومين .. فوجئت قالولي لا مافيش حاجة اسمها يتبدل سيبه وهنصلحه وهنحطلك سوكت اصلي وهيرجع الشركة وكلام كتير من ده ! قولت ماشي هيرجع الشركة والسوكت أصلي !.. المهم دلوقتي بعد مرور حوالي سنة اهو السوكت باظ تاني ... أعمل ايه ! اروح اصلحه تاني .. ويقعد شوية ويبوظ تاني ويقولولي هنركبلك سوكت أصلي .. ولا اعمل ايه انا دلوقتي ؟
من يسمون أنفسهم "سامسونج المنوفية" ليس فرع معتمد من سامسونج هم مجرد متجر عادي تابعين لسلاسل متاجر الخواجة. مجرد تغيير اسم ملفت ومغري فقط. فلا يغرك الواجهة الضخمة والبوسترات عندهم فأستطيع ان أقلدها لك بالضبط. وببعض البحث منك لن تجد لهم اثر على موقع سامسونج مصر. فلا تعطيهم اهمية اكبر من حجمهم يعملون بمنطق "بيع واجري وابقى قابلني لو طولت مننا حاجة"
حضرتك نصيحة قبل الشراء جرب كل حاجة فيه وكمان المفروض مايدخلش تصليح لا يرجع وتاخد جهاز تانى...حصل مع كده زمان ال wifi مكنش بيشتغل بعد ما اشتريت الجهاز رحت رجعت الجهاز واخد جهاز جديد علشان مكنش فات ٣٠ يوم عليه .. لكن يومين لا ده عيب تصنيع وحتى لو اتصلح حيفضل يرجع تانى....
