مشكلة رسائل RCS

[Mohammed_Gaber]

شبكة محمولOrange شغلت رسائلRCS وباقي شبكات المحمول لسه وعادي حتلاقوها مازالت بتظهر إنها غير متاحه في إعدادات تطبيق رسائل Google 👇🏼

وهي شغاله حالياً مع الأرقام اللي كانت متفعله الخدمه عليها قبل كدة

يعني الأرقام الجديده اللي مفعلتهاش قبل كده مش حتعرف حالياً.

ملحوظة:  للأرقام الجديده لازم خدمة VoLTE تكون شغاله في الأول قبل تفعليها.

[العبقري-الفذ]

المشكلة تكلم بقيت شركات الاتصالات تقولك الخدمة مش مقفولة من تجاهنا ولم يتم حظرها

وللاسف صعب جدا انك تتواصل مع دعم فني جوجل في مشكلة وي دي ولو حصل هيبعتولك دليل إرشادات ومشاكل rcs فقط لا غير ومحدش هيحل معاك حاجة

[Mohammed_Gaber]

متصدقتش كلام خدمة العملاء في الحاجات اللي زي كده بالذات.. هما لايفقهوا أي شيء عنها ومعندهمش أي صلاحيات بالوصول أو التحكم في أي حاجه تخصها، الخدمات دي واللي زي VoLTE, VoWIFI, Video calling بيبقى ليها أقسام مختصه بيها وكل المشاكل بتبقى من عندهم هما.. موظفين خدمة العملاء بيكتبولك من Script محفوظ بيتوزع عليهم سواء كان صحيح أو غير صحيح

[العبقري-الفذ]

فعلا
ياعم دا انا لما اشتريت A36
ورايح اعمل له esim
من فرع فودافون
لاقيت الموظف بيقولي تليفونك لا يدعم ال Esim😂😂😂😂
قولتله ازاي يابني ماهو الاعدادات في موبايلي بتقولك اهه ادخل esim
قالي لا السيستم عندي بيقولي موبايلك موبايلك مش بيدعم
قولتله انا هكدب موبايلي انا وأصدق السيستم بتاعك برضو
قالي ماليش دعوة غير متاح ليك esim😂😂😂
قولتله بص كدة انا مشغل اتصالات و وي و اورانج esim
قالي لا برضو تليفونك انتا مش مدعم

[Mohammed_Gaber]

هو برضوا الصراحه مغلوب على أمروا.. لازم يظهر قداموا على النظام إن التليفون ده مدعوم ومدعوم من ناحية الشركه تحديداً عشان كل حاجه تبقى ماشيه قانونيه وبشكل رسمي وعشان ميتسألش قدام المدير أو الشركه 😔

وبشكل كوميدي 😂 لو الشركه قالت تليفونك غير مدعوم يبقى خلاص لازم تصدقها

وبشكل جد شويه هو فعلاً مدعوم بس لسه مش مدعوم من الشركه مقدمة الخدمه يعني الشركه لسه معتمدتهوش ومظبطتش سستمها أو نظام شرايحها عليه

[العبقري-الفذ]

منا مدريتش اعمله عن طريق الابلكيشن انا فودافون
سهل جدا اعمله بالتطبيق عن طريق الفيزا بس خفت الصراحة

[BESOMAR]

ايه خدمة ال video calling

[Mohammed_Gaber]

مكالمات ڤيديوا صوت وصوره عاديه زي اللي موجوده في تطبيقات المراسله WhatsApp وغيروا كتير.. دي موجوده في شركات الإتصالات e&, we, vodafone ومش موجوده في orange حالياً.. وبتم برصيد عادي مش باقة إنترنت وسعر المكالمه في الدقيقه ٧٥ق

[Mohammed_Gaber]

.

[1H1ibrahim1M1]

طب هيا ملهاش خالص لان عندي شريحة اتصالات التليفون مش قارئ رقم الشريحة ومش عايز يفعل voLTE