مشكلة حرارة الجوال مع اندرويد اوتو

[xMllollM89]

السلام عليكم

قبل كم يوم شريت فليب ٤ والحقيقة انصدمت من تجربتي له بالاندرويد اوتو ارتفاع حراره غريب وتقطيع 

للعلم المشكلة سابقه لي باجهزة سامسونج ٢١ الترا وبعت الجهز بسبب هالشي وخذت شاومي لايت ١١ ولا عانيت لا تقطيع ولا حراره 

بس رجعت الان لسامسونج وللاسف ما انحل الموضوع ارجو من الاخوان كان عندكم حل للمشكلة لان للامانة كرهتني بالجهاز. شكرا

[yaadal]

ياهلا بالسنايبر حقنا طيب
اول شي حط التطبيقات كلها في السكون العميق ماعدا تطبيقات التواصل الاجتماعي وتطبيق أندرويد اوتو
وقفل خاصية الاوتو سكان حقت البلوتوث خلها يدوي افضل والشي الثاني تأكد من تطبيق أندرويد اوتو انه محدث ولاتخلي الجهاز يتعرض للشمس انا ماواجهت اي حراره بعد هالاعدادات في اكثر أجهزة سامسونج جرب ورد خبر وان شاء الله يزبط.

[xMllollM89]

هلا بالشيخ ما شاء الله عليك صدتني 🤣

للاسف جربت ومافي فايدة

[yaadal]

هلابك والله شي غريب صراحه مشكلة الحراره من سنين فسامسونج واجواءنا ابدا ماتساعد.

[سليمان2018]

أنا لاحظت أن أجهزة جالكسي فئة A أقل في الحرارة وحتى في استهلاك الطاقة من الفئة العاليا حتى مع الألعاب
السبب وش ؟ماادري

[xMllollM89]

والله شي مخجل للامانة مو قادر استفيد من فوة الجهاز

[سليمان2018]

اتوقع مثل ما قال يوفرون عليهم

[xMllollM89]

والضحية المستهلك 😅

[sok3rh]

Z folp4 حتى انا مثلك عندي
الجهاز يسير حار والجوال جديد اقل من اسبوع وجالسه افكر استبدله بسبب الحراره

[xMllollM89]

انا بالاستخدام العادي اموره كويسة، بالالعاب يحتر شوي وهذا طبيعي بس الاندرويد اوتو ❌