مراجعة اندرويد ١١ M31

[Anonymous]

اول ملاحظة ان التليفون ثبته في١٣ دقيقه بالضبط وما سخنش

وده طبعآ هايل علي ملف تحديث حجمه ١٧٠٢ ميجابيت وبأستخدام معالج اجزينوس ٩٦١١ وده كان اول مؤشر بالنسبالي ان النسخة خفيفه او سلسله علي الاقل .

ما تم اضافته طبعآ بنتكلم في الاساسيات : 

اضافة سلة مهملات للرسائل .

اضافة سلة مهملات لملفاتي .

اضافة مدة اطول للاحتفاظ بالاسماء المحذوفه من ١٥ الي ٣٠ 

اضافة امكانية الوصول Always on display من الكويك بانيل .

النقر المزدوج لغلق شاشة الهاتف .

اضافة صورة او فيديو كخلفيه للمحادثة ( الاتصال ) .

في التطبيقات تم الفصل بين تطبيقات سامسونج وباقي التطبيقات سواء بتاعت جوجل او الاخري .

اضافة امكانية غلق الاذونات الممنوحه لتطبيق في حالة عدم استخدامه .

امكانية تحديد اذن لمرة واحده بأستخدام المايك والكاميرا والموقع لبعض التطبيقات .

من البطارية بيظهرلك اخر ريستارت للتليفون سواء آلي او يدوي كان يوم ايه والساعه كام .

الايدج بانيل او الاضائة الجانبيه .

Single take في الكاميرا ذي تايمر صغير تقريبآ ١٠ ثواني بيصور فيهم فيديو وصور مع بعض لكل اللي قدام العدسة في الفتره دي .

اضافة ميزه البابلز او الفقاعه للاشعارات ( فلوتينج نوتيفيكيشن ) .

الكيبورد الناطقة وانت بتكتب ممكن تنطق حروف او كلمات .

من شاشة اللوك لما تدوس علي الساعه يطلعلك بيانات معلومات عن المنبه والمويزك .

بوجه عام في تغيير كبير للاحسن في اعادة ترتيب الاعدادات وتجميعهم والوصول ليهم و الشكل العام افضل بكتير التليفون تحسه اتدلع كده وسلس اكتر .

تغير كبير في الويدجت بتاع كل حاجه في التليفون وشكل الاشعارات والفصل بينهم حتي في الكويك بانيل .

نسخة ١١ اخف علي الرام والمعالج من ١٠ 

الحاجه الوحيده اللي وحشه ان جوجل ما نفذتش اللي قالته علي ان تسجيل الشاشة هيبقي من ضمن ملفات النظام بس واضح ان ده مش للكور كالعاده .

التليفون سريع اسرع من ١٠ و مش حاسس اني محتاج ضبط مصنع بس هعمله برده احتمال يبقي اسرع وعشان اخلص التليفون من اي اثر لملفات السيستم القديم .

التحديث بصراحة و بوجه عام يستاهل شكر جوجل و سامسونج وبالذات ان دا تقريبآ اول تليفون ينزله بعد الفلاج شيب .

[Anonymous]

بردو منتظرك بعد ضبط المصنع إن شاء الله و الف مبروك........😃😃😃😃😃

[Anonymous]

تسلم يا كبير وعقبال الباقي كله

[AnasHaytham]

هو فيه edge lightning and edge screen

[Anonymous]

هو مكانش فيه بس التحديث ده اضافه

[AnasHaytham]

هو ال A50 هيكون كدا صح عشان ان نفسى فى الخصيه ديه

[Anonymous]

اغلب الظن هتنزل فيه
انا مشغلها فيه من دلوفتي بس تطبيق خارجي فا الموضوع مش صعب ينزل بيلت اين ان شاء الله

[AnasHaytham]

ان شاء الله

[IME2020]

هو في تغير او تحسن في مشكله مشاهده افلام والاضاه منخفضه او الي هي
black smear

[Anonymous]

حاجه لا تذكر
فا ماتسنش سنانك
وخلي بالك دي نسخه كور ما تاخدهاش مقياس