اصبحت زيادة مدة الشحن مسار دهشه وتسائل لعديد من المستخدمين وبيتم ارجاعها من قبل المستخدمين او بعض اليوتيوبر الى صحة او حالة البطارية او الشاحن نفسه اصلى او غير والكابل و دايرة الشحن الى آخره والكلام ده صح ولكنه لا ينطبق على الوضع الحالى ، الكلام ده يمشى وندور وراه لما بتكون حالة فردية وعايزين نعرف سببها وليس عند الغالبية وحدثت تزامننآ مع ترقية الفرق ان كل موديل حسب دوره .
السبب واضح وتقدر تختبره بنفسك من هاتفك وهو تقليل سرعة الشحن نفسه وبالتالى المدة لازم هتزيد تباعآ ولكن ليه تم تقليل سرعة الشحن مع الواجهة 7 هو ده اللى هيفضل غير واضح او غير معلن رسميآ من سامسونج وهتظل اقوى التخمينات او التوقعات الاقرب للصواب هي مشكلة الحرارة الزائدة للهواتف مع هذة الواجهة فقامت سامسونح بتقليل او بالغلق شوية على سرعة الشحن في محاولة منها ان الحرارة ما توصلش لارقام قياسية .
في المطلق او العموم هاتفك سليم الى ان تعود السرعات لطبيعتها السابقة ساعتها اللى ما يرجعش يبقى يدور ورا مشكلة خاصة عنده هو .
تجربة لسرعات الشحن الحالية في ظل الأتى :
هاتف قدرة 25 واط والهاتف مفيهوش مشاكل سوفتوير او هاردوير .
شاحن أصلى قدرة 25 واط ، ليس أصلى لكونه متباع من التوكيل على انه أصلى ولكن لانه كان جاي في علبة هاتف متبرشمة من بلادها ( ام 62 بطارية 7000 ملى امبير )
عند تفعيل الشحن السريع الهاتف بيصدر النغمة المختلفة ولون البطارية بيكون بالازرق وبيوضح الاشعار انه
Super fast charging يعنى كده كله تمام
بأي تطبيق تقيس سرعة الشحن زي مثلآ ال Devcheck تقوم تلاقي السرعة 15.4 واط وده كان اعلى رقم وصله سرعة الشحن على مدار دقيقة كاملة ، المتوسط كان ما بين 13 و 14 وكسور واط في ظل درجة حرارة للبطارية 36 يعنى لا تعوق سرعات الشحن العاليه .
هو طبعآ في الظروف الطبيعية ايام واحهة 6 كان نادر يقفل ال 25 واط كاملين لكن كان المتوسط ما بين 23 و 24 يعنى تقريبآ بنتكلم في 10 واط بالسالب وده رقم ليس بالقليل ويفرق جدآ في مدة الشحن .
نفس التجربة لنفس الهاتف والشاحن وبنفس درجة حرارة البطارية ولكن بعد غلق الشحن السريع تقوم تلاقي السرعة القصوى اللى يوصله الشحن 5.9 وطبعآ المتوسط كان ما بين 3.6 واط الى 4.9 واط
يبقي طبيعى ان الهواتف ال 5000 ملى امبير بطارية يحتاجوا من ساعتين ونص الي ثلاث ساعات شحن .
