مجرد مناقشة

[HaithamEmam]

صباح الخير يا شباب..

اولا : موضوع حابب نتكلم فيه بكل بساطة وشياكة وهو ان مجرد ان انا ادخل علي برنامج اعضاء سامسونج بلاقي كل المناقشات او المواضيع كلها بخصوص سؤال عن تحديثات او سؤال عن امتي هيجيلي التحديث.. حابب بس اوضح ان مجرد ما الشركة ترسل ابديت لنوع الموبايل الخاص بحضرتك اكيد هيوصلك يائما ف وقتها او قبل منها بيومين او بعد منها بيومين بس الاكيد انه هيوصل لحضرتك وشركة سامسونج باعته من فترة رسالة لكل عضو موجود علي ابلكيشن سامسونج المواعيد لكل نوع موبايل ف اكيد انا هنتظر الميعاد المحدد وهيظهر عندي في الاشعارات وابدء اعمل ابديت لموبايلي ونقدر نقول مبروك..

ثانيا : انا عضو ف الابلكيشن زي حضرتك بالظبط ولو عندي معلومة عمري ما هأخرها عن حضرتك لكن لو دورنا ف الابلكيشن هنلاقي ان السؤال مكرر بشكل غير طبيعي ١٢ عضو ب ١٢ موضوع بيسألوا نفس السؤال لنفس موديل الموبايل ونفس الاجابة..

ثالثا : موضوعي مجرد مناقشة فقط والاختلاف ف الرأي لا يفسد للود قضية وأحترم اي وجهة نظر مختلفة.. بالتوفيق لكم جميعا..

[HaithamEmam]

اه شركة سامسونج بلغت حضرتك بان التحديث هيوصل لنوع موبايلك شهر مايو باذن الله ❤

[YoussefKhaled]

تحديث الوجهه نزل في العالم كله من اخر سنه 2020
ولسه نازل مصر من يومين 😁

[YoussefKhaled]

واندرويد 11 هينزل في بعض الدول الشهر ده

[HaithamEmam]

شفت بقا دا اللي بتكلم فيه 😂 بس اللي اقصده انا لما اسأل التحديث هيجيلي امتي ؟ السؤال دا مالوش اجابة عند اي عضو هنا لان فيه موقف حصل معايا حقيقي وانا صديقي معانا نفس الموبايل ونفس نوع الشبكة وجالي انا التحديث قبل منه ب ٨ ايام فلك ان تتخيل صحبي كان متجنن ازاي 😂

[Anonymous]

لازم تستحمل ثورة زملائنا بتوع ال ايه ٧٠ لان بصراحه اللي حصل معاهم ده استثناء غريب

[HaithamEmam]

طبعا دا حقهم علينا ان احنا لازم نستحمل ونساعد بعض طبعا وانا مش مضايق من كدا خالص بس محتاج الوعي بس مش اكتر او اقل ❤

[القرشى]

يا أستاذ هيثم أنا بتكلم عن التحديثات الدورية للهاتف الربع سنوية مع الإضافات الجديدة للسوفت وير وليس تحديث نسخة الأندرويد والتى نعلم جميعا موعدها على إشعارات المنتدى لجميع الفئات .

[Hòssam]

بالنسبة لتحديث a70 الموديل ده بالاخص تحديثاته بيبقى فيها مشاكل فالتأخير ده اكيد لاصلاح تلك المشاكل والوصول للنسخة المستقرة.لو تفتكروا وقت تحديث اندرويد 10 بدأت تلك المشاكل في الظهور وسحب التحديث مرة أخرى واصدار النسخة المستقرة بعد فترة.والله اعلم