مفيش أي داعي يخليك تدفع فلوس أكتر في موبايل لغرض إنه يكون بس بيدعم 5G ودا لكذا سبب: 1- أبراج ال 5G غالية ومحدودة التغطية (مداها أقصر بكتير من ال 4G) وعموماً كل جيل جديد بيكون أسرع وفي نفس الوقت أقصر في مدى التغطية.. يعني ماتحلمش إن مصر كلها هتصبح متغطية بال 5G يوم ما يعلنوا عن إطلاقه.. لسه قدامك سنين طويلة.. وإن كنت في الأقاليم أو الأرياف ف إن شاء الله ولادك أو أحفادك يتهنوا بيه ☺️ .. 2- البنية التحتية مش هتسمحلك بالسرعة الكاملة لل 5G .. يكفي أقولك إننا مش واخدين السرعة الكاملة لل 4G أصلاً لحد دلوقتي. 3- وإن سمحت هتلاقي الباقة الشهرية خلصت في يومين تلاتة.. تخيل اليوتيوب بيقرا إن سرعة الاتصال تسمح إنه يعلى بالجودة وريزولوشن الشاشة يسمح بجودة أعلى وانت ظابطه على Auto يقوم ظارفك الفيديو كله 4K 😁 طيب إمته تدفع فرق فلوس علشان ال 5G ؟ - لو بتسافر بره كتير. - لو ساكن في أماكن راقية من اللي هايشتغل فيها ال 5G قبل الأماكن الباقية. - لو معاك باقة كبيرة جداً جداً جداً (عشان مفيش في مصر نت غير محدودة
