ليه شركات الاندرويد مش تحطلنا الاندرويد الخام وتخلصنا من وجع الدماغ بتعهم ده سؤال بيتردد كتير ، سواء عدم استقرار ومشاكل بطارية او اسلوب معالجة الكاميرا او غيره
____________________________________________
من الاسباب ان كل شركة عايزه المستخدم يتعود على نظامها هيا عشان فيما بعد لما يغير التلفون يشترى منها هيا وده مش عشان الهارد وير وبس ، لأ ، ده عشان السوفتوير كمان اللى بترتاح معاه ومتعود عليه شكلاً وتصميماً
_____________________________________________
كل شركة بتحاول انها متبقاش شبه الباقى لأ ، كل شركة بيبقا ليها فلسفة تصميم واجهة خاص بيها بحيث انك انت لما تشوف تلفون كذا مع واحد فالمواصلات فالشارع او غيره ممكن من خلال الشاشة الرئيسية تعرف تلفونه من شركة ايه او حتى شكل وترتيب الايقونات او ستارة التحكم او...... ، يعنى تقدر تعرف تلفونه منغير متساله او منغير متبص على تصميم او شكل الكاميرات حتى
_______________________________________
لأ وكمان كل شركة بتحاول تنفرد بمزايا جديدة بيكون ليها الاسبقية فيها عشان تبان انها شركة مميزة و شركة تحطلك ميزة مش ضرورية وتبقى حصرية فتلوفانتها وبس وممكن تبقى بالنسبالك ميزة ضرورية على سبيل المثال ميزة ال second space , ميزة اظهار سرعة الانترنت فشريط الحالة انت ممكن تسيب سامسونج عشان كده او ممكن تشترى تلفون سامسونج عشان تسجيل المكالمات مثلا لأن ده مهم بالنسبالك او عشان شغلك تقوم جايب سامسونج
________________________________________
والشركات عايزة تولد الولاء عند عملائها عايزة تعمل زبون دائم عارف انت الناس المش بيستخدموا غير ايفون وميعرفوش يستخدمو غير واليستخدم سامسونج ويقولك يعم انا برتاح مع سامسونج لا يهمه مواصفات ولا سعر وغيرهم من الشركات
________________________________________
تخيل كده لو كل الشركات عندهم سوفتوير خام كان حيفرق ايه سامسونج عن شاومى وغيره عن بعض ولا حاجة غير الهاردوير كان السلاسة والاستقرار ومعالجة الكاميرا واستهلاك البطارية كله واحد واللى يختلف هو الهاردوير بس ، شكراً للقراءة 🤝
